فلا أعلم , هل أسأت التصرف أم احسنت؟. هل كان ينبغي لي ان اكون اكثر حزماً , هل تخاذلت في نصرة نفسي ؟
ليتني تصرفت بشكل آخر ..
أنا غاضبة .
+18
اكملت منذ شهر و نصف الثامنة عشر . اليوم أنا +18 . و اعتبر ذلك حجّة عليّ . اليوم لا استطيع أن اكون كسولة أو متخاذلة
لن يقال إذا فشلت أنها طفلة . لن يشفع لي أي شيء . عليّ ان اتصرف من الآن فصاعداً كما ينبغي لآل ال+18 أن يتصرفوا
أهداف يجب انجازها , و قضايا يجب نشرها , و ثغور تحتاج للوقوف عليها .
لا اذكر سوى قول النبي لخديجة عليهما السلام : مضى عهد النوم يا خديجة . مضى عهد النوم .
عليّ إصلاح ما اقترفت في نصف عمري المنقضي
و أن اثبت لذاتي أن الامور السيئة كلها يمكن تخطيها .
المشكلة دلوقتي ان الواحد لما يجي يكلم اي حد من الاخوات عن إننا لازم نتخذّ سبل اجدى في الجهاد و نشر الفكرة , إننا لازم نؤدي الواجب المفترض مننا تقديمه لاننا ببساطة جماعة دعوية اجتماعية فضلا عن كوننا اسرة خدمية " اسرة بناء "
نلاقي الرد الجاهز المتغلف إننا في ازمة وجهاد الوقت دلوقتي كدا و نحتاج إلى تكاتف المش عارفة ايه عشان البتاع بتاع الحاجات و كلام كدا ..
لكن اللي احنا مش واخدين حذرنا منه اننا لو عايزين نوصل للناس و عقولهم , لازم نكسب قلوبهم و ودهم .
احنا للاسف منغلقين ع نفسنا , منغلقين على عدد محدود , انا شخصيا كنت في دائرة الاشتباه بكوني " أمنجية " و خِطرة و حركات من دي بدون ما ابدي اي تصرف يخليهم يفكروا ف كدا غير اني كنت لازقالهم و ساكتة و بسأل عن المظاهرات و مواعيدها و اماكنها كتير !!
طيب .
مع احترامنا الكامل لفكرة المظاهرات - مش هنختلف فيها م الاساس .. لكن انا بحب دايما نعمل عملية ابدال , اكون العدو للحظة ..كل يوم هو او هي بتشوفنا نازلين مظاهرات و مسيرات و بتاع و مديّنها شتيمة و سب و نعت ليهم بانهم " حمير حمير حمير " و " عبيد " و " لاحسي بيادة " ..
و نفس الشخص او " الشخصة " -مؤنث شخص يعني :D - مسلّم ودانه و عقله تسليم فنادق لليوم السابع و المصري اليوم و الوطن و قناة الحياة و المحور و سي بي سي و اون تي في و ام بي سي ..
يعني جرعة استحمار مكثفة ,
يعني الدماغ اتقفل عليها بالمفاتيح و الترابيس , مفيش فتلة من التعقل متاحة .
شخص او شخصة -بردو :D - زي دول انت مستني منهم إيه ؟ باضافة انك بتفرط في السب و تعمد إغاظتهم بصورة فجّة .
باختصار , هما عبيد , من منظورنا احنا بس .. و من منظورهم هما إن العسكر دول حماة الديار و ان انت مخرب و مرتشي و خروف .
طب سبنا من اي حاجة تانية , تعالى ننسى أي توجه .. هو الشخص دا مش من حقه يفهم؟ هو برغم اي شيء - ضحية اعلام و ضحية تضليل .
فكرته متغيرتش و هو شايفك نازل علي دماغه شتيمة و زعيق و نعوت من اياها ..و تعمله قرنين و ترفع له و حركات من دي .
كل اللي انت بتقدمه انك بتزيده عِند .
ع فكرة , احنا علينا حساب كبير بسبب الناس دي .. وزر جهلهم دا علينا , لان معلش .. انت دلوقتي مفيش حاجة بتدعم فكرتك دي هو بيشوفها ف الفضائيات اللهم غير الجزيرة و الشرعية ..
و ناس كتير مش بتثق فيها , و هو هيثق ف قناة اجنبية ليه و هو عنده قنوات كتير مصرية !
وكأني بهم جايين يوم القيامة يتعلقوا في رقاب كل من تركهم علي عماهم , بما عليهم من اوزاارهم من دم و تفويض و شماتة .
انت مجربتش تقنعني , و لما جيت تكلمني و وجدت مني " تنشنة " انصرفت عني و اعتبرتني لا امل مني
علي انه الاساس هو اني اكدبك و اني انعتك بالخيانة
احنا لا نقدم التعذير الى الله , و لا نبرأ ذممنا .
مهمة توضيح الافكار و الاحداث اعظم بكتير و اشد اثرا من مظاهرة
أُريدُ وطناً آخر ..كالجنّة مثلاً ..
أُريدُ وطناً آخر ..كالجنّة مثلاً ..
اليومَ اقرأُ و اكتُب ..هل مازل الصمت مطبقا؟
صمتٌ اكثر , تفكير اكثر ..
وربنا يستر :))