المحرر موضوع: انا عايز اتجوز .......  (زيارة 152507 مرات)

0 الأعضاء و 1 ضيف يشاهدون هذا الموضوع.

غير متصل إيمانيات

  • شباب نشيط
  • **
  • مشاركة: 449
  • الجنس: أنثى
  • " إن مع العسر يسرا"
رد: انا عايز اتجوز .......
« رد #40 في: 2006-12-08, 12:29:49 »
بتهيأ ليّ أنا فهمت وجهة نظرك يا أخ جواد  :emoti_17:

يعني قصدك ليه نسبق الأحداث خلّينا في موضوعنا و الله معاك حق :emoti_416:

بالنسبة للصديقة مروة كلامها معقول جدا و فعلا من الواقع  :blush::

يعني مش جيباه من فراغ  :emoti_17:

بس فيه ملحوظة أحب أني أتناقش معاكم فيها و  :emoti_17:

حوضح لك نقطة للأسف لسه موجودة في مجتمعنا المصري

تصوركم للمهر ؟

المهر انقرض دا فى تفكيرى لان حاليا الزواج جمعيه تعاونيه اللى بيقدر على حاجه بيجبها
 :emoti_417:

تصدقي يا مروة أنا عندي صديقة عزيزة عليّه جدا جارتي من زمان و في نفس سني  :emoti_149:

المهم لغاية دلوقتي ماحصلش زواج عارفه ليه؟
لأن عائلتها مـُصممة على المهر بشكل لا تهاون فيه!

أخر عريس تقدم لها كان برضه جار لنا ، سبق له الزواج و فشل  :emoti_282:

المهم طلبوا منه مهر ضخم جدا ، لما جيت أناقشها في الموضوع على أساس إنه مش لازم

يكون الرقم الكبير ده ، ردت و قالت إنها سألت زميلاتها المدرسات قالوا لها ده كده أقل حاجة :emoti_351:

و هي مقتنعة تماما بوجهة نظر أهلها و صديقاتها في مجتمعها المحيط  :emoti_417:

يعني للأسف لسه بيكوّن أراء نسبة غير قليلة من المجتمع  :emoti_336:

على أساس إن أقل غرفة في الأثاث بعشر ألاف جنيه مصري :blush::

و بعد كده يقوم أهل العروسة بتكتيب العريس قايمة  :emoti_6:

للأسف مـُنتهى التعنت و الجهل بسماحة ديننا الحنيف  :emoti_257:

هنا العادات و التقاليد دي لازم نقف أمامها بشدة و عنف لإقتلاعها من جذورها ::ooh::
 
و السماء رفعها و وضع الميزان


غير متصل marwa madany

  • شباب نشيط
  • **
  • مشاركة: 202
رد: انا عايز اتجوز .......
« رد #41 في: 2006-12-08, 20:38:20 »
على فكره ايمانيات فى غرف اقل من عشر آلف جنيه مصرى وبالمناسبه موضوع القايمه دا فكره فاشله اساسا ومنقرضه عندى كذلك

غير متصل إيمانيات

  • شباب نشيط
  • **
  • مشاركة: 449
  • الجنس: أنثى
  • " إن مع العسر يسرا"
رد: انا عايز اتجوز .......
« رد #42 في: 2006-12-08, 21:37:40 »


ربنا يهديكي يا مروة و يهديلك أهلك و والديك

عشان ربوكي على أسس سليمة أن الإنسان يـُقاس

بخلقه و شخصه و عمله و عائلته طبعا بالترتيب اللي

يناسب كل فتاة أو إنسان على حدا  :emoti_257:

لأن ماتتخيليش موضوع القايمة و القاعدة دي بيعمل مشاكل


للجواز على أخر لحظة يبقى خلاص الفرح بكره و يفركشوا بسبب القايمة :emoti_351:
و السماء رفعها و وضع الميزان


غير متصل أم وعالِمة

  • شباب إيجابي
  • ***
  • مشاركة: 724
  • الجنس: أنثى
  • طبيبةمصريةثورية
رد: انا عايز اتجوز .......
« رد #43 في: 2006-12-08, 21:48:37 »
السلام عليكم

إزيكم يا جماعة عاملين ايه وحشتوني :emoti_416:

كنت متشوقة جدا اعرف اخر ماتوصلتم إليه في الموضوع ده
بس النت كن فاصل عندي بقاله كام يوم :emoti_411:
غير انشغالي بقدوم والدي المفاجئ من السعودية :emoti_351:

المهم اني شااايفة ان الموضوع سخننننن جدااااا :emoti_144:
بس انا مش بقتنع بالكلام من بعيد لبعيد كده :::happy2::

أنا لازم اشوف دم هنا ! :emoti_26:

طبعا .. أمال أشتغل أنا وزمايلي إزاااااي!!!!! :emoti_419:
 
 
"من المؤمنين رجال صدقوا ماعاهدوا الله عليه فمنهم من قضى نحبه ومنهم من ينتظر وما بدّلوا تبديلاً "
من يمتلك قوة هائلة .. و رسالة نبيلة .. فعليه تحمل مسؤولية جسيمة ..!

غير متصل أم وعالِمة

  • شباب إيجابي
  • ***
  • مشاركة: 724
  • الجنس: أنثى
  • طبيبةمصريةثورية
رد: انا عايز اتجوز .......
« رد #44 في: 2006-12-08, 21:57:13 »


ربنا يهديكي يا مروة و يهديلك أهلك و والديك

عشان ربوكي على أسس سليمة أن الإنسان يـُقاس

بخلقه و شخصه و عمله و عائلته طبعا بالترتيب اللي

يناسب كل فتاة أو إنسان على حدا  :emoti_257:

لأن ماتتخيليش موضوع القايمة و القاعدة دي بيعمل مشاكل


للجواز على أخر لحظة يبقى خلاص الفرح بكره و يفركشوا بسبب القايمة :emoti_351:


الله يكرمككككككككككك يا مروة جزاك الله خييييييرا امين

فعلا موضوع القايمة ده هو أفشل و أسوأ  أقبح عادة و عرف في تقاليد مجتمعنا المصري :emoti_6:
غير كده
هي ظاااااااالمة جدا في اغلب الزيجات للزوج ..حبي الله ونعم الوكيل
يعني يبقا الاهل بيخلوا بنتهم تبدأ حياتها بالظلم و الطمع !!

عادة سخيفة فعلا
عن نفسي ارى ان من حق الفتاة رفض و الشاب رفض مثل هذا الظلم
ولو الهل ماوافقوش
ناخدهم على قد عقلهم ونكتبها
وبعد الزواج الزوجة تقطعها هي وجوزها
و اي حد مش عاجبه يضرب دماغه في اقرب حيط  :emoti_143:
!!

!
"من المؤمنين رجال صدقوا ماعاهدوا الله عليه فمنهم من قضى نحبه ومنهم من ينتظر وما بدّلوا تبديلاً "
من يمتلك قوة هائلة .. و رسالة نبيلة .. فعليه تحمل مسؤولية جسيمة ..!

غير متصل ali whdan

  • شباب نشيط
  • **
  • مشاركة: 185
رد: انا عايز اتجوز .......
« رد #45 في: 2006-12-08, 22:18:21 »
جميل يا جماعه ما وصلتم اليه من حلول و و الله عجبانى جدا و انا عن نفسى مش هقبل غير بكده لما انوى اتجوز ان شاء الله

و ده مش علشان ظروفى انا الحمد لله ظروفى كويسه جدا بس لان العند يولد العند و انا ساعتها هحس ان فيه واحد بيسرقنى

و كمان غصب عنى يعنى بدفع مهر كبير و كمان ما اقدرشى اقول لاء و لذلك بتتولد عند الانسان عناد كبير و اصراره على انه ينفذ

اللى هوه عاوزه لانه بيحس ان كرامته اتهانت اولا و تحكمات هتاثر فى صورتى المستقبليه امام مراتى اللى شافتنى و انا بخضع

لاهلها بكل بساطه و لعلمكم لو اهل العروسه اخدوها ببساطه و الله العظيم اهل العريس هيعملوا اكتر من اللى اهل العروسه

كانوا يتوقعوه و زياده و فى المواضيع دى قصص حيه و من عين الواقع

و العريس بيموووت نفسه علشان يرضى الانسانه اللى قبلت انه يدفع اى مهر و بكده تبقى بتشتريه فمش هيخلى عن جهده جهد

انه يبين ليها ولاهلها انه كمان بيشترى العروسه و باغلى سعر يقدر عليه

و الله يا جماعه لو كانت السعاده فى المهر الكبير و القايمه اللى طويله عريضه مكنشى حد غلب بس اولا و اخيرا تندرج هذه البنود

تحت قسم انا شارى و انت شارى يبقى ساعتها كل شىء هيتحل بابسط الامور

و صدقونى انا معاكم ان فيه ناس كتييييير متسلطين فى المواضيع دى بس و الله بيدفع ثمن ده من بعدهم بناتهم اللى بيكونوا

حاجه من الاتنين يا فركشه للجواز فى وقت قاتل

او تعاسه ابديه للحياه لان ساعتها الزوج بيكون اتخنق من العروسه و اهلها و بيكمل لانه خلاص صرف كل مليم يملكه و بالتالى بينتقم

من العروسه و تتحول الحياه لمجرد ايام اقضيها دفعت ثمنها

اتمنى ان الحاله متوصلشى بينا و ببناتنا لهذه الدرجه و تكون الحياه خذوهم فقراء يغنيكم الله و صدقونى و الله مع الفقر بتكون الحياه

اجمل ما يكون لان الاتنين بيبقوا فى قمة السعاده لانهم وجدوا قوت يومهم و كلل الله تعب الزوج بوجه زوجة يزيل عنه المتاعب

و كلل الزوجه بابتسامة زوج تنسيها هموم حياتها

و تسير القافله ولا تقف عن حد الفقر لان الرزق بيد الله و ياتى الابناء و الاطفال الصغار لتتوج مسيرة الزواج بالنجاح و تمر الايام

و يموت الزوج فتتزوج الزوجة غيره و تسير القافلة ايضا و تموت الزوجه و يتزوج زوج الزوجة الثانى و تمر الايام و يرث الابناء الاباء

و هكذا نموت نحن ايضا و ربنا يستر و كل اللى يقرا كلماتى ميموتشى هوه كمان من الضحك عليه


اتمنى ان كلماتى تاثر فيكم

شكرا جزيلا

غير متصل ماما هادية

  • أحلى.شباب
  • *****
  • مشاركة: 15899
  • الجنس: أنثى
  • احفظ الله يحفظك
رد: انا عايز اتجوز .......
« رد #46 في: 2006-12-09, 00:10:19 »
و الله يا جماعه لو كانت السعاده فى المهر الكبير و القايمه اللى طويله عريضه مكنشى حد غلب بس اولا و اخيرا تندرج هذه البنود

تحت قسم انا شارى و انت شارى يبقى ساعتها كل شىء هيتحل بابسط الامور

و صدقونى انا معاكم ان فيه ناس كتييييير متسلطين فى المواضيع دى بس و الله بيدفع ثمن ده من بعدهم بناتهم اللى بيكونوا

حاجه من الاتنين يا فركشه للجواز فى وقت قاتل

او تعاسه ابديه للحياه لان ساعتها الزوج بيكون اتخنق من العروسه و اهلها و بيكمل لانه خلاص صرف كل مليم يملكه و بالتالى بينتقم

من العروسه و تتحول الحياه لمجرد ايام اقضيها دفعت ثمنها



هذه الكلمات فعلا حكيمة جدا... وليت الاهل المتعنتين يعون هذا جيدا...

اقتباس
و تسير القافله ولا تقف عن حد الفقر لان الرزق بيد الله و ياتى الابناء و الاطفال الصغار لتتوج مسيرة الزواج بالنجاح و تمر الايام

و يموت الزوج فتتزوج الزوجة غيره و تسير القافلة ايضا و تموت الزوجه و يتزوج زوج الزوجة الثانى و تمر الايام و يرث الابناء الاباء

و هكذا نموت نحن ايضا و ربنا يستر و كل اللى يقرا كلماتى ميموتشى هوه كمان من الضحك عليه


وأما هذه الكلمات فسامحك الله


أنا فعلا كنت حموت من الضحك


*رَبَّنَا لاَ تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَحْمَةً إِنَّكَ أَنْتَ الوَهَّابُ*

غير متصل إيمانيات

  • شباب نشيط
  • **
  • مشاركة: 449
  • الجنس: أنثى
  • " إن مع العسر يسرا"
رد: انا عايز اتجوز .......
« رد #47 في: 2006-12-09, 13:43:02 »
صحيح يا علي بعد ما عيّشتنا في كلمات كلها حكمة و رزانة و عقل راجح :emoti_416:

روحت قالب على فيلم هندي فظيع مـُــــريع  بطولة راج كومار  :emoti_327:

طب دلوقتي أنا أتكلم أعلق على كلامك اللي طالع من فمّ حكيم بيدي حقن  :blush::

و لا حكيم اللي حيغني عقبالك كده في حفل أوسلو بتاع جايزة نوبل  :emoti_257:

عقبالك دي على إنك تأخذ جايزة نوبل  :emoti_140: :emoti_140: مش تغني زيّ حكيم
« آخر تحرير: 2006-12-09, 13:44:48 بواسطة إيمانيات »
و السماء رفعها و وضع الميزان


غير متصل marwa madany

  • شباب نشيط
  • **
  • مشاركة: 202
رد: انا عايز اتجوز .......
« رد #48 في: 2006-12-09, 16:26:27 »
وبعدين فى حاجه مهمه جدا بعد المهر والشابكه والقايمه والمؤخر لان دا كمان مصيبه لوحده  بعد كل دا ويمكن بعد سنتين جواز  تحصل خلفات عظيمه درجه ان البنت تقول ياخد كل حاجه بس اخلص منه     يا فرحت الاهل ساعتها

غير متصل ماما هادية

  • أحلى.شباب
  • *****
  • مشاركة: 15899
  • الجنس: أنثى
  • احفظ الله يحفظك
رد: انا عايز اتجوز .......
« رد #49 في: 2006-12-10, 09:49:17 »
على فكرة
حكاية مؤخر الصداق الضخم ناتجة عن عدم فهم وعدم تطبيق للحكم الشرعي في الصداق


سأشرح لكم...

المفروض شرعا أن الصداق هو دَين في ذمة الزوج، يسدده للزوجة ساعة ميسرة...
بمعنى
أن الزوج المعسر، أو الذي لا يستطيع أن يدفع من المهر ما يناسب الزوجة، يمكن أن يتفق معها على تأخير المهر لحين ميسرة، فيسمى مؤخر الصداق...
فإن عينا له أجلا معينا، يعني وقتا معينا لقبضه، عليه أن يسدده في ذلك الوقت...
وإن لم يحددا له وقتا، يكون وقت قبضه هو إما الطلاق أو وفاة الزوج أو الزوجة..
بمعنى أنها لو توفيت قبله، عليه أن يدفعه لورثتها..
وإن توفي قبلها، على ورثته أن يخرجوه من التركة ويدفعوه لها، كما يسددون كل ديونه، ثم بعد ذلك يقسمون الميراث...

أي أن الفكرة الشائعة من أن مؤخر الصداق ضمان للمرأة حتى لا يطلقها زوجها، فكرة خاطئة 100%... ويجب تصحيحها
لأن الزوج سيدفع المؤخر... سيدفعه ... في جميع الحالات.. لذا يجب أن يكون مبلغا معقولا مقدورا عليه....
لا سيفا مصلتا على رقبته...

أتمنى أن أكون قد وفقت في الشرح..
*رَبَّنَا لاَ تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَحْمَةً إِنَّكَ أَنْتَ الوَهَّابُ*

غير متصل إيمانيات

  • شباب نشيط
  • **
  • مشاركة: 449
  • الجنس: أنثى
  • " إن مع العسر يسرا"
رد: انا عايز اتجوز .......
« رد #50 في: 2006-12-10, 23:01:05 »
جزاك الله كل خير يا ماما هادية على توضيحك السهل للموضوع


على فكرة في مصر ناس كتير بتكتب مؤخر الصداق برقم ضخم ! ليه؟

كان زمان المأذون بيأخذ على المهر نسبة ، بتكون واجبة على العريس دفعها له

كأجره ،، مش حاجة حكومية ، لا شبه إتاوه ، بعدين الناس فكرت بدل مل تدفع

للمأذون مبلغ كبير خلّت المهر جنيه و مؤخر الصداق هوه اللي مبلغ ضخم

عشان يضحكوا على المأذون ، أوم عم المأذون ضحك عليهم و بقى بيأخد

نسبته على المؤخر ، يعني عملية تجارية حسابية ليس لها أساس  :emoti_351:
و السماء رفعها و وضع الميزان


غير متصل ali whdan

  • شباب نشيط
  • **
  • مشاركة: 185
رد: انا عايز اتجوز .......
« رد #51 في: 2006-12-11, 18:00:25 »
طيب سؤال بسيط و عوده بعد غياب

بالذمه مش هيافه من الطرفين ان المؤخر يبقى كبير

تعرفوا ليه و على فكره بيبقى ليها اثار سلبيه كمان

لان الزوج بيعتقد و اعتقاده صحيح طبعا ان اهل الزوجه بيعملوا كده علشان يضمنوا انه مش هيطلقها

طيب بالزمه يا جماعه مش هتبقى اول القصيده كفر

لانه هيكون فكره خاطئه عن زوجته و يعتقد انه يدفع ثمنا لها و معلشى فى الصراحه

و بكده هتتبنى حياتهما الزوجيه على اساس خاطىء مما ستكون نهايته حتميه و معروفه

اما اذا بنيت على الحب فان لم يكن هناك اساسا له فسيتكون الاساس من مواقف تبين مدى تمسك الزوجه

بالزوج من اجل شخصه و ليس من اجل ماله

اتمنى ان ينظر بناتنا الى هذه النقطه

و اتمنى من اخوانى ان يراعوا الله و ان كانوا مقتدرين لا يبخلوا على هذه الزوجه بما يجعلها سعيده و لكن فى قدر استطاعته

اتمنى وجهة نظرى تكون وصلت و الطرفين فهموها

شكرا ليه مش ليكم
« آخر تحرير: 2006-12-11, 23:28:47 بواسطة ماما هادية »

غير متصل كابتن ميدو

  • شباب منتج
  • ****
  • مشاركة: 1401
رد: انا عايز اتجوز .......
« رد #52 في: 2006-12-11, 20:16:39 »
علي فكرة ياجماعة فية مشاريع زواج كتيرة  ماكتملتشي اصلا بسبب التعنت الواضح من الطرفين ...

طب ممكن سؤال لكل ام في المنتدي ( وما أكثرهم ) :--

لو اتي لكي شاب علي خلق ..

ولايستطيع تقديم الشبكة وايضا لايستطيع ان يكتب مؤخر كبير ...

والشقة التي سيتزوجون فيها علي قد الحال كما يطلقون ...................

استزوجينه ام ستطلبين شبكة مثل قريبتها فلان ؟؟

وايضا تطلبين شقة كبيرة وتكون بنتك لواحدها متقعدشي مع العائلة ؟؟

كل تلك الاسئلة هي نفس الاسئلة التي تفشل بسببها الزواج ..

غير متصل أحمد سامي

  • شباب منتج
  • ****
  • مشاركة: 1258
  • حائط برلين لم يهدم عندنا حتى الان يعيش داخلنا
رد: انا عايز اتجوز .......
« رد #53 في: 2006-12-12, 06:32:04 »
عذرا لتأخرى فى الرد........

بالنسبة للقايمة فهذا هو أحد الألغاز التى لم أفهمها مطلقا........ لأن كل واحد ماشى بمزاجه

و الألغاز فى هذا الموضوع -أى الزواج- كثيرة جدا

فمثلا عرفت زيجة لم تتم مرتين  بسبب (برواز) فى القايمة.......

أما عن الحب  فهناك زيجة حضرت تفاصيلها  .........كان حب إغريقى استمر لمة أربع سنوات متواصلة و إنتهى بالزواج و فجأة سمعنا أن الزوج يضرب زوجته أكثر من مرة يوميا  و سرق الصيغة كلها حتى ذهبها الخاص  قبل أن يطلقها....... كيف حدث هذا فجأة ؟ لغز أخر

أما عن النقود فأنا أعرف عائلة  لم يزوجوا ابنتهم سوى لشخص غنى جدا و منذ البداية وافقهم عل كل طلباتهم و هم لم يساهموا فى أى شىء بالرغم من يسر حالتهم....... و منذ اللحظة الأولى بعد الزواج  عامل الزوج  زوجته أبشع معاملة  و يشعرها دائما أنه إشتراها فيجب عليها أن تعامله على أنه سيدها و هى جاريته و أن تنفذ له كل ما شاء حتى لو أغضب الله كشرب الخمر و..و..  المهم إنها إشتكت كثيرا لأمها و حكت لها كل شىء لكنهم للأسف قالوا عليها بتدلع (خليكى فريش احنا فى مجتمع متقدم)

و هناك الزوجات التى تظهر عادتها السيئة بعد الزوج مثل الشجار الدائم مع الجيران و ضرب الأزواج........قرأت أن مصر ثانى بلد فى العالم بعد انجلترا فى نسبة الزوجات الاتى يضرن أزواجهم ( بس أنا من الأخر بلعب حديد من مدة يعنى  :emoti_389:   )

ألغاز تحتاج الى حل........ موضوع الزواج هذا مازلت خايف منه بعد اللى الواحد بيشوفه .......

أما يا أخ على أنا مش زعلان إن عندى شقة  بس أنا بقرر واقع ........ دا أنا مصر على موضوع بيت العائلة ده جدا و عمرى ما هسيب بيتنا ........أنا أحب الجماعة .......

و كمان موضوع الفلوس يعنى لازم يكون عندى دخل ثابت أقدر أصرف بيه على أسرة  بس الموضوع ده دلوقتى مش متوفر......... و أنا مش عايز أبهدل حد معايا.......
‏{‏لَا يُحِبُّ اللَّهُ الْجَهْرَ بِالسُّوءِ مِنَ الْقَوْلِ إِلَّا مَنْ ظُلِمَ وَكَانَ اللَّهُ سَمِيعًا عَلِيمًا ()إِنْ تُبْدُوا خَيْرًا أَوْ تُخْفُوهُ أَوْ تَعْفُوا عَنْ سُوءٍ فَإِنَّ اللَّهَ كَانَ عَفُوًّا قَدِيرًا‏}‏

غير متصل إيمانيات

  • شباب نشيط
  • **
  • مشاركة: 449
  • الجنس: أنثى
  • " إن مع العسر يسرا"
رد: انا عايز اتجوز .......
« رد #54 في: 2006-12-12, 09:48:15 »
السلام عليكم كلكم

أنا متفقة مع جميع أرائكم ، لأنها بتعكس أراء الشباب ، حقيقي أنا نفسي مش بحترم العائلة ( عائلة الفتاة)
 
اللي بتطلب قايمة ، بصراحة بحسّ إنه شوية طمع ، على كتير من التخلّف ! :emoti_336:

مش عارفة يمكن ثقافة المجتمع تحوّلت لتفكير مادي بحت :emoti_149:

يعني بدل ما نفكر زيّ زمان ، الأب يقول أنا بشتري راجل  :emoti_257:

صحيح ده كان فعلا موجود لما ألاقي راجل بمعنى الكلمة  :emoti_416:

ليه ماديلوش بنتي ، و الماديات دي تكون 3 أو 4 حاجة أفكر فيها :blush::

الناس و المفاهيم إتغيّرت ، مش بس في الزواج

أظن يا ميدو ده يجاوب على أسئلتك على الأقل بالنسبة ليّ كأم

كمان إذا بنتي كانت موافقة و تريد إتمام الموضوع و إحنا كأسرة

إطمّنا للإنسان المتقدم من جميع الوجوه يبقى نقف لهم زيّ اللقمة في الزور ليه؟ :emoti_351:
و السماء رفعها و وضع الميزان


غير متصل ماما هادية

  • أحلى.شباب
  • *****
  • مشاركة: 15899
  • الجنس: أنثى
  • احفظ الله يحفظك
رد: انا عايز اتجوز .......
« رد #55 في: 2006-12-12, 10:41:50 »
السلام عليكم

أعتقد أن ابنتي قرة عيني وأغلى شيء في حياتي، لو وثقت في رجل ما واستأمنته عليها، على جوهرتي المكنونة وفلذة كبدي، فكيف لا أستأمنه على المال والمتاع وبقية التوافه؟....
تفكير غريب..
*رَبَّنَا لاَ تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَحْمَةً إِنَّكَ أَنْتَ الوَهَّابُ*

غير متصل كابتن ميدو

  • شباب منتج
  • ****
  • مشاركة: 1401
رد: انا عايز اتجوز .......
« رد #56 في: 2006-12-12, 19:44:53 »
لاني شفت في الحياة الاغرب من كل دة يا ايمانيات انتي وماما هادية ...

بصراحة .......


اخاف اقولكم ان الكلام دة كلام منتديات وبس ....محدش يزعل من كلامي

غير متصل ali whdan

  • شباب نشيط
  • **
  • مشاركة: 185
رد: انا عايز اتجوز .......
« رد #57 في: 2006-12-12, 20:08:08 »
على فكره انا بايدك يا كابتن ميدو

يعنى النهارده اللى بنشوفه على ارض الواقع غريب جدا جدا

انا بقى حضرت قضيه من هذا النوع بعد حب دام سبع سنين و خطوبه و جواز

النتيجه طلاق و ابن عنده سنتين مشرد و السبب اهل الزوجه بغباء و تشدد ادى الى تفكيك اسره و تشريد طفل لا ذنب له

غير انه اتى مرغما الى هذه الدنيا

و عجبى ثم عجبى

غير متصل marwa madany

  • شباب نشيط
  • **
  • مشاركة: 202
رد: انا عايز اتجوز .......
« رد #58 في: 2006-12-12, 22:35:15 »
لاني شفت في الحياة الاغرب من كل دة يا ايمانيات انتي وماما هادية ...

بصراحة .......


اخاف اقولكم ان الكلام دة كلام منتديات وبس ....محدش يزعل من كلامي


الموضوع مش موضوع كلام منتديات المسأله ان مش كل الناس زى الناس اللى فى المنتدى مش كل الناس تفكرها راقى

غير متصل إيمانيات

  • شباب نشيط
  • **
  • مشاركة: 449
  • الجنس: أنثى
  • " إن مع العسر يسرا"
رد: انا عايز اتجوز .......
« رد #59 في: 2006-12-13, 00:33:06 »
طب ما نيجي نقلب السؤال ، حضراتكم يا شباب يا واعي و عندكم أخت أو إبنة عمة

رايحين في جلسة عائلية ، تعارف بين الأهل و حدّ طرح فكرة القايمة أو المؤخر

حيكون ردّ فعلكم أيه؟ الناس اللي بتعمل قايمة غالية أو مؤخر صداق مـُبالغ فيه

بتقدر تمنع أن الزوج أو العريس ، يتعامل مع زوجة المستقبل بطريقة مـُهينة

أو لو حب يبهدلها ، هل الفلوس و كل الإحتياطات اللازمة منعته ! ماظنش

فكروني أبقى أحكي لكوا عن حكاية جار لنا عاش تجربة مريره مع

خماه المحامي !!!!!!! :emoti_17:

اللي في نيته سوء أو دقة نقص مهما أخدت عليه النقص حيطفح في كل الأحوال :emoti_416:
و السماء رفعها و وضع الميزان