المخطوبين .. مشاكل لا تنتهي !!!!!!!!!!!!!!!!!

[أم وعالِمة]

الفترة اللي فاتت بفضل الله تعالى فرحت أوي بأخبار متوالية عن خطوبة بنات كتير من أصحابي
المقربات جدا جدا جدا و أولهم أختي الحبيبة اللي مش ببطل مناكفة فيها  و تريقة عليها هي و خطيبها ..!!


و طبعا نفس الحال مع صديقاتي اللي فرحت بخبر خطوبة كل واحدة فيهم لدرجة إني حسيت ساعتها فعلا بطعم
الفرحة اللي ممكن تموت الواحد و بوجع بسيط في صدري كل ما أعرف خبر واحدة منهم و أشوف فرحتها في عينيها و صوتها ..
الحمد لله ...

بس النهاردة بدأت أكتئب تاني ................

من شوية اتصلت بية والدة واحدة فيهم و صوتها هيموت من القلق على بنتها .. اتخانقت مع خطيبها و والدتها في أحد المحلات
و سابت الدنيا و مشيت  قفلت موبايلها ..و رجعت من شوية ..

و التانية مع والدتها .. و التالتة مع والدها و خطيبها ..

ولو جيت تجيب سيرة فك الارتباط تلاقي كل الأطراف بما فيهم اللي عامل المشكلة .. اتبرجلوا كلهم !!!

طيب ليه كل ده بيحصل ؟؟
ليه التمسك بالرأي و طمع و نشوفية الدماغ ؟؟؟

مع العلم إن تلت أرباع أو أكتر من المشاكل دي بعيدة تماما عن المشاكل المادية ...!!!

ممكن حد يفهمني ؟ :emoti_138:

[جواد]

السلام عليكم،

كل مشكلة ولها طبيعة مختلفه،

يعنى فيه حاجات عاطفية وفيه حاجات مادية وفيه حاجات اجتماعية وووو

لكن عامة مشاكل الشباب فى بداية الإرتباط تختلف عن مشاكل الفتيات لإختلاف طبيعة التفكير عامة،

أيضا هناك تصور كل فرد عن المرحلة المقبل عليها، دى برضه بيعمل مشاكل كتير،

وعامة الناس عامة معدش عندها القدرة تستحمل بعضها، واللى بيسوق فى شوارع القاهرة لفترات كبيرة يقدر يعرف ده كويس جدا ..

[أم وعالِمة]

ده صحيح جدا ..

لكن المفترض إن الخطيب أو الخطيبة ده هو الشخص اللي الإنسان اختاره عشان هيرتاح معاه مستقبلا ..


فلما يكونوا مش متحملين بعض من دلوقتي و ماحدش مستوعب عيوب التاني
اللي عمال يكتشفها و كلها بسيطة زي العصبية و العند و النشاط أو الكسل و غيرها ..


أمال هيعملوا ايه بعد كده ! ؟؟؟؟؟؟ أنا مستغربة بجد

[امينة]

 

ازيك يا ساره 

ايه الغيبه دي كلها وحشتينا

بالنسبة لموضوع المخطوبين دا فربنا يستر و احسن حل للمشاكل دي انهم ما يطولوش في الخطوبة اصله كلما كانت فترة الخطوبة طويلة كلما كانت المشاكل  اكتر و اكبر  يمكن تجنبها في حالة الزواج 

اوعي تغيبي تاني يا ساره    حننتظر عوده نشاطك   

[أم وعالِمة]

الله يكرمك يا أمينة يارب .. والله غصب عني ... بقوللللك أختي بقت عروسة و عاشت في الدور خلاص  !!


المهم بالنسبة لموضوع التطويل في فترة الخطوبة فده حسب اللي شفته في الكام حلة اللي حوالية هو شيء اضطراري للأسف بسبب
الظروف الاقتصادية البشعة في مصر ...

تجهيز بيت الزوجية بكل لوازمه مشكلة فعلا ...

[امينة]

الف مبروك 

ربنا يسهل يا رب و يتمم على خير 

عقبال كل الشباب يا رب

بس برده ما تغيبيش تاني كتير افتكرينا شوية 

[نور الهدى]

                                      الف الف الف مبروك لكل المخطوبين 

وانا بجد مستغربة من موضوع مشابه ليه اللي هو لما بكونو اتنين متجوزين جديد ويطلقو ولسا معدتش السنة وفعلا بزعل عليهم ودائما بسأل

يعني ليه كتر الطلاق  وفي فترة الخطوبة اللي بتخلي كلا الطرفين يتعرفو على بعض  أعتقد من وجهة نظي لو كان في تفاهم من الطرفين

 أكيد  هتنجح علاقتهم طبعا مع وجود مشكلات بسيطة لابد منها  بس نصيحة مني للشباب : ياشباب العالم  ياشباب العرب  بشويش وبالراحة

عالبنات والله بكلمتين حلوين  هتصبح الحياة عسل وسكر زيادة  وماتعاندوش   ولا تصرو برأيكم  خليكم ريلااااااااااااااااااااااكس وبالاخير اكيد يعني

البنات مش هتعمل حاجة تزعلكم  وكمان بحب اوجه  نصيحة للبنات : يابنات العالم  يابنات العرب اضحكو على الشباب بكم كلمة ترضيهم وبعدين اعملوا

اللي براسكم وحتى لو همَ أصروا برأيهم انتو قلولهم  (طيب  حاضر اوكي ماشي )  وبعدين ابداي اقنعيه بشويش بوجهة نظرك وانا متاكدة انو هيقتنع

وبكل هدوء تكوني انت عملتي اللي عاوزاه  واللي بتدايق من خطيبها او زوجها انا بقلها معاكي حق هم  ممكن يكونو دمهم تقيل حبتين زيادة

ورخمين لكن معليش ياحبيبتي انتي استحملي شوية    (اقدرك ونصيبك) ؟؟      وشكرا .   محدش يزعل من كلامي 

[جواد]

ونعم النصائح، 

[نور الهدى]

ونعم النصائح، 

احم احم        شكرا

بس يعني انا حاسة انو نصائحي مش عاجباك اوي  (مش مشكلة )

[جواد]

ونعم النصائح، 

احم احم        شكرا

بس يعني انا حاسة انو نصائحي مش عاجباك اوي  (مش مشكلة )

استكمالا لنصيحتكم،

حرصا على مصلحة الأخوات وحتى يجدن من يقبل بمثل هذه الأفكار،

عليكن بمن ليس له شخصية من الذكور، وحبذا لو لم تكن لدية خبرة بالحياة،

ساعتها سيكون خاتما فى أصبكن ، ولكن لا تشتكين بعد ذلك أن الحياة مملة معه،

أما أذا انتهجتن مثل هذه الأفكار مع شاب قوي الشخصية سريع البديهه فستكون العاقبه أن تفقدونه للأبد.

[نور الهدى]

ونعم النصائح، 

احم احم        شكرا

بس يعني انا حاسة انو نصائحي مش عاجباك اوي  (مش مشكلة )

استكمالا لنصيحتكم،

حرصا على مصلحة الأخوات وحتى يجدن من يقبل بمثل هذه الأفكار،

عليكن بمن ليس له شخصية من الذكور، وحبذا لو لم تكن لدية خبرة بالحياة،

ساعتها سيكون خاتما فى أصبكن ، ولكن لا تشتكين بعد ذلك أن الحياة مملة معه،

أما أذا انتهجتن مثل هذه الأفكار مع شاب قوي الشخصية سريع البديهه فستكون العاقبه أن تفقدونه للأبد.

ههههههههه  طب ليه الاحباط ده بس ؟؟؟

وبعدين اسمحلي اسمحلي يعني اني اقلك كلامك خطأ؟ 

مو شرط اللي يطبأ نصائحي يكونو متجوزين راجل ما عندو شخصية وبالعكس تماما  كانت كل نصائحي موجهه للي هيتجوز انسان مثقف وشخصيته قوية  وعنده خبرة جيدة بالحياة  وبعدين أنا متأكدة وبإذن الله انها مش هتفقده أبداااا؟

(وبعدين انا  اتحداك ياجواد لو مكنتش مقتنع بكلامي داخل نفسك بس يمكن انت بتكابر ومش عايز تعترف بالحقيقة )

[ماما هادية]

 

نور الهدى

معلش أنا مضطرة أستلف تعبير من ناس تانية واقول لك

انك زي العسل
 

[نور الهدى]

 

 يااااااااا أبلتي والله إنك انتٍ اللي زي العسل  

وبعدين خجلتيني بجد 


سامع يا أستاذ جواد ده دليل إنو كلامي منطقي 

[ماما هادية]

 يااااااااا أبلتي والله إنك انتٍ اللي زي العسل  

وبعدين خجلتيني بجد 


سامع يا أستاذ جواد ده دليل إنو كلامي منطقي 

وما دخل العسل بالمنطق؟؟

بنتي مريم برضه زي العسل...

بس أكيد كلامها مش كله منطقي 

كل شي لحاله

[ماما هادية]

الله يكرمك يا أمينة يارب .. والله غصب عني ... بقوللللك أختي بقت عروسة و عاشت في الدور خلاص  !!


المهم بالنسبة لموضوع التطويل في فترة الخطوبة فده حسب اللي شفته في الكام حلة اللي حوالية هو شيء اضطراري للأسف بسبب
الظروف الاقتصادية البشعة في مصر ...

تجهيز بيت الزوجية بكل لوازمه مشكلة فعلا ...

وما هي لوازمه؟؟ 

هذا اولا

وثانيا- أعتقد ان المفاهيم الاجتماعية العوجاء لها أثر كبير في هذه الخلافات...
فالتأثر الرومانسي يجعل كلا منهما يعتقد ان الاخر مستعد ان يفديه بروحه... فيفاجأ بأنه بيبعه بحاجة هايفة

وهذا أمر طبيعي.. لانه لم تنشأ بينهما بعد المودة والرحمة التي تجعل كلا منهما يضحي من أجل الاخر

كذلك يسعى كل منهما لدراسة الاخر لا ليقترب منه، بل ليتعرف من أين تؤكل الكتف، وكيف سيطوعه لشخصيته... فالفتاة تلاحظ أنه فوضوي وذوقه في اللبس مش كده ووووو ... وتنتظر ان تعدل له كل هذا، وهو أيضا... يلاحظ أنها عصبية مثلا وغير مطيعة كما يجب وينتظر ان يعدل لها هذا...
كل منهما حقق ذاته وشخصيته ويريد من يعجب به ... ولا أحد مستعد للتنازل من اجل التكيف مع الطرف الاخر

عدا عن سيطرة القيم المادية علينا التي تجعل من توافه الامور ضروريات لا يمكن التنازل عنها
كذلك الرومانسية الكاذبة التي سوقت لها السينما...

يااااااااااااي.... نسي عيد ميلادي................
ياااااااااااااااااااي قلت له بحب الشيء الفلاني ولم يسارع لاقتنائه وتقديمه لي هدية...

وهو: .. الله: دي مش بتحب الاغاني اللي بحبها... انا خايف يكون مفيش توافق روحي بينا 


وهذه حكاية اخرى... ومش عايزة اطول... السلام عليكم

[ماما فرح]

بمناسبة لوازم بيت الزوجية   

هل فكر الشباب والبنات المخطوبين وهم بيشتروا الأثاث والأجهزة الكهربية و................ وكل الحاجات اللي بتكلف عشرات الألوف وأحياناً لا تعجبهم أيضاً ..

هل فكروا أن هناك شباب وبنات مثلهم من معدومي الدخل يجهزون لزواجهم أيضاً ؟

حكاية أهديها للخطيب الذي يتشاجر مع خطيبته على شراء شيء معه أكثر من ثمنه ولكن الخلاف في رؤية الأمور أو الذوق في الاختيار أو لون الديكور 

عامل بسيط يزوج ابنته أجل زواجها أكثر من مرة لأنه لا يملك ألف جنيه يشتري بها بوتاجاز وموبيليا المطبخ
الخطيب قال لوالد خطيبته لا يمكن أن نؤجل الزفاف أكثر من هذا فإما أن نتزوج أو ننفصل ويذهب كل منا لحاله
هل تتصوروا حالة الرجل ؟
والابنة معقود عليها وليست مخطوبة فقط

اضطر الرجل لسؤال أحد معارفه لعله يجمع له من أصدقائه القادرين الألف جنيه أو نصفها فقط ليدفعها مقدم ويسدد الباقي بالتقسيط
ورزقه الله بالخمسمائة جنيه

ها.. سؤال للسادة العرسان والخطيبات :
كم تدفعون في خروجة واحدة ؟
أو هدية في مناسبة من أحدكما للآخر؟
وياريت بتعجب على رأي ماما هادية 

طيب ما تضعوا كل شهر خمسين جنيه في صندوق تخصصوه لفك كرب عرايس وعرسان زيكم أحياناً يتوقف زواجهم على مائتين أو ثلثمائة جنيه بس

وابحثوا عنهم .. ستجدوهم ..
ابنة البواب.. ابنة جامع القمامة .. فتيات وفتيان في دور الأيتام أو في مناطق عشوائية

ولن يكلفكم الأمر أكثر من توفير جنيهات قليلة من فرق السعر بين نوعين من بعض مستلزمات بيت الزوجية
يعني بدلا من بوتاجاز بــ 3000 جنيه
مشوها بوتاجاز بــ 2700 جنيه
هيحصل إيه يعني ؟

وخللوا الفرق لإخوتكم المتعسرين في تجهيز حجرة الزوجية
فهي غالباً حجرة لا شقة 

وبدل ما تقضوها خناق في هيافات هتلاقوا معنى مختلف تماماً دخل حياتكم
ومعه بركة الاهتمام لأمر المسلمين
ما رأيكم ؟

[امينة]

عامل بسيط يزوج ابنته أجل زواجها أكثر من مرة لأنه لا يملك ألف جنيه يشتري بها بوتاجاز وموبيليا المطبخ

 
 

ليه هو عندكم العروس هي الي بتجهز البيت و لا ايه 

احنا عندنا اللوازم دي على العريس و دي في حالة انه سكنه لوحده مش مع اهله

و بعدين المفروض زي ما قالت ماما فرح يكون في مساعدة و تعاون

انا افتكر لما اتجوز خالي من 3 سنين

هو استاجر البيت اما تجهيزه فكان على الاهل كل واحد جابله  حاجة من اللوازم دي على شكل هدية للفرح

الي جاب التلاجه و الي جاب البوتاجاز و الي اشترك في موبيليا المطبخ و الي جاب خرفان للفرح و الي تبرعت بعمل حلويات الفرح

اما الاواني و السجاد و الديكورات الصغيره زي ساعة الحيط و كدا فكانت من نصيب بنات و اولاد  اخواته الصغار و فضله شهور يحوشو فلوس عشان الموضوع دا و سبحان الله لما كان هذا المبلغ موجه لفعل خير و اعمار بيت اتجهز بسرعه و زياده كمان 

و كدا اتجهز البيت من غير ما نشعر بتكلفته و عندنا متل يقول المعاونه تغلب السبع بمعنى المساعدة تتغلب على الاسد

يعني لو كل فرد في العيلة حيتجوز نجتمع و نقرر نجهزلو البيت على شكل هدايا و مساعده نروح نساله هو نقصك ايه و كل حد يقرر يجيب حاجة و يقولو ما تجيبهاش احنا حنشتريها و يا ريت يقتنعوا بالظروريات بس

 و فكرة طنط ماما فرح بانشاء الصندوق فكرة رائعه بالفعل   

[ماما فرح]

هو المفروض أصلا أن العريس هو الذي يتكفل بدفع المهر وتجهيز بيت الزوجية

لكن جرت العادة - ولا أدري لماذا جرت ياريتها ظلت تمشي فقط كما كانت  - على أن يشترك الطرفان في تقاسم أعباء تجهيز المنزل

وما أجمل ما حكيت لنا عن زواج خالك بارك الله له ولكم

 

[امينة]

و فيكم بركة 

و اعانكم الله على تجهيز بناتكن 

[ماما هادية]

بس برضه يا ماما فرح العريس في مثالك لئيم جدا
وبصراحة لم احترمه أبدا ...
كيف لا يقدر ظروف حماه أو يحاول أن يساعده

بل يهدده بفسخ الخطوبة...!!!