ارجو المساعدة

[أورورا]

السلام عليكم
انا طبعا جديدة هنا بس لاحظت ان في تعامل حلو بين الاعضاء
وكنت حبا انكم تساعدوني لانه انا حاسة نفسي متلخبطة شوية
انا مصرية وكنت سكنة برة لفترة طويلة وبعدين لما جيت هنا السنة الي فاتت
كنت دخلة اول ثانوي طبعا المنهج كان صعب شوية علية لاني جديد بالنسبة لي
المهم اني عديت السنة ونجحت الحمد الله بس المشكلة انو السنة الي انا جيت
فيها ده هي سنة فراغ يمكن اغلبيتكم عارف انه في مصر زمان ما كنش في صف سادس
وبعدين رجعوه تاني لما رجعو بقت السنة فاضية وكل الطلاب الي معايا اما رسبين
او جيين من برة زيي يعني ويمكن انتو كمان عرفين انه كده انا دخلة على ثانوية عامة
والثانوية العامة في مصر معتمدة على الدروس الخصوصية ولانه احنا سنة فراغ مفيش مدرسين
بيدو دروس السنة ده بس على كل حال ان دبرت نفسي صح مش قوي بس يعني
بس حابة انه انتو تنصحوني ازاي ادرس وانظم وقتي عشان انا عايزة اجيب مجموع عالي
عارفة انا يمكن جبتلكو صداع 

[/color][/color]

[ماما فرح]

أهلا بك يا أورورا نورت المنتدى

وإن شاء الله تقضي معنا أوقات سعيدة ومفيدة

بالنسبة لمشكلتك سألت بنت في ثانوية عامة فقالت لي أنك محظوظة وسنة الفراغ هذه في صالحك لأن أعدادكم قليلة جداً وبالتالي في ثالثة ستنخفض كثيراً الحدود الدنيا للالتحاق بكليات القمة وبالتالي لن تكون لديكم مشكلة في الالتحاق بالكليات التي تريدونها

أما فيما يتعلق بالدروس الخصوصية فأكيد سيكون هناك مدرسون يريدون إعطاء دروس بل ويتهافتون على ذلك
بالإضافة إلى أن الأعداد في المدارس ستكون قليلة فاحرصي على متابعة شرح المدرسين في المدرسة

ربنا يوفقك إن شاء الله

[جواد]

السلام عليكم ورحمة الله وبركاته،

مرحبا بك أختنا الكريمة، عسى أن يطيب لك المقام بين أسرتك الجديدة 

بالنسبة لما ذكرتيه عن السنة الدراسية فالأمر له مميزاته فعلا كما قالت ماما فرح،

لكن فيه شوية عيوب برضه،

أولها انك تحسي ان مستواكى أعلى من اللى حولك، لأن مستواهم ضعيف زى ما قلتى،

علشان كده لازم تخلى بالك وتجتهدى فى المذاكرة علشان مستواكى انتي مينزلش من غير ما تاخدى بالك،

أما بخصوص الدروس فبلاش تخططى ليها الا لو لقيتى الأمور فى المدرسة مش ماشية كويس،

ولو كان فيه مدرسين بيبدأوا من الصيف ممكن تروحى معاهم علشان تتعودى على المناهج هنا ولو لقيتى ان المدرس الخصوصي بعد كده مش بيضيف حاجه زياده على المدرسة فخليكى مع المدرسة وخلاص،

وفى جميع الأحوال لو قابلتى أى حاجه صعبة فى أى مادة من المواد قوليلنا عليها هنا، لأن الأعمار هنا متنوعة والتخصصات مختلفه وممكن يكون عند أى حد فينا طريقة أسهل لجزئية معينة .

وقبل كل ده استغلى الأجازة دى انك ترسمي لنفسك خطة لدراستك،

يعنى عايزة تدخلى كلية ايه؟ وعايزة تدخليها ليه؟

وبالطريقة دى تحددي لنفسك خطة تمشى عليها ويكون طريقك واضح ومن غير تشتيت.

ومرحبا بإستفساراتك فى اى وقت،

بالتوفيق ان شاء الله.

[أورورا]

شكرا لك ماما فرح انا كنت عارفة انو المعدلات هتنزل
بس في اشعات مش عارفة مدى صحتها بتقول ان
مش كل الكليات هتتفتح بس على كل شكرا وهو اكيد
هيلاقو حل بس انا شوية مرتبكة يمكن من الحجات الي بنسمعها
عن الثانوية العامة وطلابها

واما يا جواد فانا من ناحية هيطيب لي المقام هنا فانا حسيت بده من قبل ما اسجل
لانه انتو هنا في المنتدى بجد اسرة وحدة
اما من ناحية المذكرة فهو في كتير مدرسين بيبداو من الصيف وانا بدات من دلوقتي اخد دروس
طبعا مش وخدة الموضوع بجدية لانه احنا لسا في بداية المشوار
وشكرا على نصائحك المفيدة

[سيفتاب]

مرحبا بك يا أورورا في أسرتنا ابنة جميلة

إن شاء الله تصير أمورك كلها إلى خير ونحن هنا أسرتك التي ترحب دائما بك وتعينك في أي شيء تطلبينه بإذن الله.