بسم الله الرحمن الرحيمالنهاردة ان شاء الله نبتدى الجزء الثانى من الدورة يلا بينا يا حلوين
موعدنا اليوم مع قائمة Edit
طيب قبل ما ابدء احب اقول ( قائمة File تختص بالصفحات بعد انتهاء العمل يعنى افتح و اغلق و احفظ و اطبع ... الخ )
اما قائمة Edit تختص بالتعديل على العمل يعنى انسخ و الصق و اكبر و اصغر و ... الخ
القائمة طويلة كما تروا فى الصورة لذا دعونا نبدأ
1 - Undo : و هو يختص بالرجوع خطوة واحدة فقط للخلف و ذلك اثناء العمل
2 - Step Forward : يختص بالتقدم خطوة خطوة و ذلك ايضاً اثناء العمل
3 - Step Backward : يختص بالرجوع خطوة خطوة للخلف
Fade مش مهم نقول عليه دلوقتى
4 - cut , Copy : قص و نسخ جزء معين
5 - copy merged : نسخ جزء من العمل كله ( بمعنى لو عندى عمل مكون من اكتر من لير الاختيار ده ينسخ من الليرات كلها مرة واحدة )
6 - paste : لصق جزء قمنا بنسخة او قصه
7 - paste into : هو صعب شوية بس الاختيار ده يقوم بلصق جزء نسخناه و لكن داخل (ماسك )
8 - clear : يحذف المكان المحدد ( يعنى لو عملت تحديد لمكان معين و اخترت clear يقوم بحذف ما فى داخل المكان المحدد
9 - check spilling : فى حالة الكتابة على الفوتوشوب يقوم هذا الاختيار بعمل تدقيق املائى
10 - find and replace text : فى حالة الكتابة على الفوتوشوب يقوم هذا الختيار بتحديد جزء معين من الكلام و استبدالة بكلام اخر
11 - Fill : يقوم بملئ المكان المحدد او يملئ الصفحة كلها اذا لم يتم تحديد مكان
12 - stroke : يقوم بعمل خط على مكان التحديد ( يعنى لو صنعنا تحديدا دائريا يقوم بعمل دائرة مطابقة للخط الوهمى المحدد للدائرة )
13 - Free transform : يعطى امكانية تحديد حجم الكائن او اللير المحددة
14 - Transform : يعطى امكانية تحديد حجم الكائن و لكن بصفات محددة افتراضية يعنى
15 - Define Brush Present : يقوم بعمل فرشاة من صنعك
16 - Define Pattern : يقوم بعمل باترن من صنعك و الباترن حاجة كدة زى الارضية او زى الخلفية
17 - Define Custom Shape : يقوم بعمل شكل ما من صنعك و حفظة فى البرنامج و الشكال دى بتتعمل من خلال ( الفيكتور ماسك )
18 - Purge : يقوم بمسح بعض الاشياء فى البرنامج مثل الHistory او يمسح الذاكرة اذا كان هناك شيئ اخذنا منه نسخة
19 - لأ مفيش 19
بقية الاختيارات خاصة بالتعديل فى البرنامج مثلا تغيير اختصارات لوحة المفاتيح او تعديل خواص الالوان او تعديل القوائم
و هكذا اخوتى الحلوين انتهينا و نحن على يقين بأن الاختيارات ال8 الاخيرة خطيرين و ابتعدوا عنهم احسن انتم حرين( احرار يعنى )
طيب انا بقول نخش فى قائمة Image لأنها سهلة شوية
تختص قائمة Image بكل ما يخص الصورة او العمل ككل يعنى الصفحة كلها حتة واحدة و انا مش هشرحها كلها لأن فيها حاجات مش لازمانا دلوقتى
و لو حد عاوز يعرف فيها حاجة انا مش شارحها ممكن ابعتلوا رسالة خاصة فيها الشرح
بسم الله
1 - Mode اهم قائمة او اختيار فى قائمة Image لانه يحدد النظام الذى نعمل علية ( يعنى التصميم المعروض على الانترنت غير التصميم اللى هنطبعة غير التصميم اللى هينزل على يافطة و هكذا و هى دى اللى بتحدد نوع كل عمل
2 - Adjustments : تحتوى على كل ما يختص بالالوان و درجاتها و الاضاءة و السطوع و التباين و هذه القائمة منفردة تحتاج لكتاب منفصل للتحدث عنها لذا كان من الاهمية ان انوه عنها و عن اهميتها
3 - Duplicate :صنع نسخة اخرى من الصفحة المفتوحة حالياً
4 - Applay Image : عند النتهاء من العمل و عند صنع النسخة النهائية التى تذهب للمطبعة او اى كان المكان اللى الصورة ذاهبة اليه يقوم هذا الاختيار بصنع نسخة من الصورة و لكن يغلق جميع الليرات الموجودة فيها اى يجعلها قطعة واحدة و على فكرة ( كان عندى صور بتروح السينما ساعات علشان كده انا بستخدم الاخيار ده على طول )
5 - Calculation : هو صعب اوى بس هقول عليه ( يقوم بحساب التفاوت فى درجات الالوان بين صورتين مفتوحتان الان و الناتج يكون Channel جديدة )انا عارف ان مفيش حد فهم بس هو ده الواقع
6 - Image Size : للتحكم بحجم الصورة ككل
7 - Canvas Size : يقوم بتحديد حجم الصورة ( ليس تكبير و تصغير و انما تحديد حجم الصفحة حتى لو كانت الصورة المفتوحة اكبر من الصفحة )
8 - Rotate Canvas : يقوم بتدوير الصورة
بس خلاص يا رب يكون الدرس كويس و ابن ناس و تدعوا لنا دعوة حلوة كده
اه ..نسيت كده مش تفكرونى بالامتحان
.gif)
الاسئلة : 1 - افتح صفحة جديدة و املأها باللون الاحمر مثلا و بعد ذلك نفترض انك لقيت حجم الصفحة اكبر من الحجم المطلوب قم بتعديل الحجم بحيث يصغر 3 سم من الاعلى
طيب سؤال كمان : افتح صفحة جديدة ولا اقول نفس الصفحة السابقة بعد ما خلصت شغل اكتشفت ان نظام الالوان خطأ و المفروض انك تكون على CMYK بدل RGB قم بتغيير النظام و بعد ما تخلص قم بعمل تدوير للصفحة بزاوية 58 درجة ايوه 58 درجة علشان محدش يدورها 90 درجة و يجرى
طيب بعد لما تخلص قم بعمل نسخة من الصفحة و قم بحفظها
و كفاية كده متهيألى كله تمام لأى استفسار او ملحوظة لا تتردد و قل
سلام
