بسم الله الرحمن الرحيم
اولا : بعض التنويهات
اعتقد ان الناس بدأت تهتم بالدورة و ده عكس ما كان ظاهر عند البداية و قد استدليت على هذا من مشاهدات المواضيع و الردود و كما قلت سابقا فأنا اتوقع اكثر من هذا و على الله التوفيق
ايضاً حبيت اقول لكل من اهتم بالأمر و لمن طلب روابط التنزيل للبدء فى البرنامج ان انا موجود على الايميل على طول و على المنتدى ايضاً لأى استفسار او ملاحظة او سؤال
و أيضا لقد سمعت من مصدر موثوق ان هناك مصمم مثلى يدعونه Hema و اريد ان اوجه له رسالة
( الى Hema الدورة فيها سم ... قصدى فيها حاجات كتير جاية و لذا ارجو منك مشاركتنا بمعلوماتك و لو بالقليل من علمك الكثير و لا تبخل علينا و كما اعرف فأنتم تصنعون مجلة كل فترة و اعتقد انكم تحتاجون لأكثر من مصمم فلم لا يكونوا جميعا من اعضاء المنتدى )
طيب تمام كده نخش بقى بالموضوع
ثانياً : لقائنا اليوم مع قائمة جديدة و بعض الاختيارات الجديدة واريد ان انبه الى اننى عند انتهاء شرح هذه القوائم سأتوقف و أضع امتحان طويل ارجو من الجميع ان يحاولوا اجابته موعدنا اليوم مع قائمة Select و هى القائمة الخاصة بجميع انواع التحديد الممكنة فى البرنامج القائمة سهلة جداً و لاحظوا لقد تخطيت قائمة Layers و ذلك لسببين اولا : هى صعبة شويتين ثانيا : انا اجلتها للاخر علشان هى دى اللى هنبتدى منها التصميم و ربنا معانا
نبتدى
1 - All : عمل تحديد لكامل الصورة
2 - Deselect : حذف التحديد الموجود حاليا ايا كان نوعه
3 - Reselect : اعاده التحديد السابق مباشرة
4 - Inverse : عكس التحديد بمعنى لو انا مختار جزء من الصورة و عاوز احدد كل الصورة ما عدا الجزء اللى حددته ( و لا تخلظ بين هذا الاختيار و بين Inverte فهو شيئ اخر )
5 - All Layers : يحدد جميع الليرات الموجودة بالعمل فى قائمة Layers فى القوائم الجانبية فاكرينها اللى كانت رقم 4 فى الجزء الأول
6 - Deselect Layers : مسح تحديد الليرات
Similar Layers : سيبوكوا منه دلوقتى
7 - Color Range : ركزوا شوية فيه ( يقوم بتحديد درجة لون واحدة فى كامل الصورة ) اى يحدد مثلا جميع النقاط الملونة بالأحمر فى الصورة كلها
8 - Feather : يقوم بتحديد على اللير النشطة الان و لكن يكون التحديد ناعم ( انظر الصورة )
http://img511.imageshack.us/img511/1433/21322996.png9 - Modify : تحتوى هذه القائمة على بعض انواع التحديد و لكن هى بالضبط تعديل على التحديد (يعنى لو انا عملت تحديد معين و طلع صغير شوية اقدر اكبر حجمه من خلال هذه القائمة
10 - Transform Selection : لتعديل التحديد الذى قمت بعمله يعنى اكبر التحديد شوية اصغر شوية اعرضة ارفعة كده يعنى
بس كده خلاص دى كانت قائمة Select يا رب تكون سهلة
طيب نخش شوية كده على قائمة View هى بسيطة و مش مهمة اوى لأن هى المسؤولة عن واجهة الصفحة المفتوحة
و دى صورة ليها
دعونا ننظر نظرة سريعة على محتواياتها
1 - Proof Setup : للعمل على Channels المختلفة و يا ريت محدش يحاول يلعب فيها
2 - Proof Colors : تعديل الالوان و خواصها و برده ما حدش يلعب فيها
3 - Zoom in : تكبير
4 - Zoon out : تصغير
5 - Fit on Screen : تعديل تكبير الصورة ليتناسب مع الشاشة
6 - Actual Pixls : وضع الصورة بالحجم الحقيقى
7 - Print Size : الحجم المناسب للطباعة
8 - Screen Mode : تغيير طريقة عرض الصور يمكنكم تجربتها هى طريقة فقط لعرض الصور
9 - Rulers : المسطرة
10 - snap : اختيار بسيط لدقة العمل (عندما تقترب اللير النشطة من اى حافة من حواف الصفحة فانها تنجذب اليها الياً )
بس خلاص كفاية كده النهارده علشان انا تعبت
طيب قبل ما امشى احب اقول ان قائمة Window مش مهمة خالص لأن كل اللى فيها ظاهر على الشاشة و هى بتحتوى على القوائم الجانبية اللى هى رقم 4 فى الدرس الاول و ادى الصورة تانى
و قائمة Filter تحتوى على التأثيرات المتعددة للفوتوشوب و دى مش هينفع شرحها نظرى لازم عملى و علشان كده هاعمل درس ليها لوحدها
اما المره الجاية ان شاء الله نبتدى فى اولى خطوات التصميم مع قائمة Layers
ملاحظة اخيرة : انا عارف ان الكلام اللى فات كله ممكن محدش يكون حس او شعر انه استفاد بيه و لكن كل ده هيظهر ان شاء الله بدءا من الدرس القادم
حيث الحياه العملية و بداية الابداع
غداً ان شاء الله مفيش درس الدرس بعد بكره و بكره فيه امتحان ذاكروا كويس و اللى باع ضميرة يجيب واحد مستورد مش مشكلة علشان هنحتاجة
سلام عليكم
