أيامنا الحلوة

أجيال وراء أجيال => :: مشاغبون عسل :: => الموضوع حرر بواسطة: علومجى في 2009-05-22, 17:52:19

العنوان: معيش فلوس...
أرسل بواسطة: علومجى في 2009-05-22, 17:52:19

فى إحدى البيوت التى تعيش فيها أسرة صغيرة مكونة من خمس أفراد،،،
 حصل موقف بيحصل على طول بس الخيال أخدنى شوية،
والموقف إتطوّر........ انا هسيب بطل القصة هو اللى يحكيها  يالا بينا.

---

 :emoti_133:
أنا إسمى "بيبو" وإسمى الحقيقى محدش يعرفه بس هقوله لكم  "بقلظ".
عايش فى بيتنا ،مع أبويا وأمى وأختى الكبيرة  "مزيكا" ،وأخويا الصغير آخر العنقود "حماصة ".
والقصة بدايتها كانت من قبل الإمتحانات...
.
.
.
.
.


يااااااااااه فاضل على الإمتحان عشر أيام  ::nooh:، على كده أنا لازم أقعد أذاكر.....أذاكر؟! أذاكر منين أنا معيش حاجه أذاكر منها ،يبقى لازم أنزل الكلية و أشترى ورق الكورسات  ، لكن أنزل إزاى وورق إيه اللى أجيبه وأنا معيش غير تلاتة جنيه وخمسه وسبعين قرش :emoti_64: ، يبقى لازم آخد من أبويا ..بس ده أنا لسه منفّضه إمبارح وقلتله برضه عايز أجيب ورق كده مش هيصدقنى ....امّا أروح وأجرّب يمكن يكون نسى ،

[أخدت طقيّة كنت طابقها من واحد صاحبى من أيام إعدادى_ هيه مقطوعة بس مش باينه_ كأنها هدية ورحتله وهو بيتفرج ع التيليفزيون على (قناة المولتى) ]


- بابا بابا .....

[مش بيرد عليا ليه ، أرجع ولا أنادى تانى ..مممممم ..يااارب ]

- بابا بابا.....

- إإإيه يازفت  :emoti_336:..

- صباح الفل يا غالى أنا قلت أصبح عليك قبل ما انزل emo (30): .

- ماشى ...يالا مع السلامة ونوّر كده من قدام التليفزيون

- حاضر .. شفت أنا جبتلك إيه طقيّة هتعجبك أوى .

- يا ما جاب الغراب...  يالا روح شوف مصلحتك بقى .

[ ده شكله قرفان ومخنوق ولو قلتله عايز فلوس ممكن يرمينى من البلكون sad:(ة ، أنا هقعد أتكلم معاه يمكن يهدى شوية وبعدين اطلب منه فلوس..ربنا يستر ]

- مش أنا إمبارح قابلت عم "بورى" بتاع السردين و وقالى سلملى على أبوك.

رد عليا بزعيق...

- جتك نيلة أنت وهوه ع الصبح ,, الجدع ده أنا مش بحبه ما تجبليش سيرته تانى :emoti_25: .

- ولا أنا  sad:(..ده أنا حتى كل ما أشوفه أمشى من شارع تانى .

[ فضلت ساكت شوية emo (9): وبعدين قلتله ....]

- بابا .. هو فين شارع  "روّحنى أوام روّحنى"  ده؟

- معرفش ...

- متعرفش إزاى إنت مش المفروض مولود هنا و عارف كل الأفئدة ؟..

[ما رد عليا برضه ..أنا هقولو بقى وأسيبها على ربنا ]

- بابا ..أنا عايز فــ.............

[ قطع كلامى وصرخ فى وشّى وقال...]

- فلوس :emoti_25: !! فلوس إيه إنت مش بتشبع فلوس ، كل يوم إنت وأمك ,ما ترحمونى بقى حرام عليكو جبتولى الضغط والسكر والمرارة , أروح منكو فين ...

- خلاص خلاص يا بابا أنا ما كنت هقول فلوس أنا كنت هقول أ أ هقول.. عايز فارة عشان أصلح الباب ده ,حضرتك عارفنى مش بحب أشوف حاجة بايظة وأسيبها
كده ..سلامو عليكو..أ أ أ بابا ممكن الطقيّة عشان دى مش بتاعتى .

 [ بعد ما أبويا زعقلى ورمى الطقيّة فى وشّى  ..رحت أشوف أمى يمكن تدينى حاجه ، و لقيتها فى المطبخ بتعيط...جريت عليها ]

- مالك يا ماما فى إيه ؟؟

-  ::cry::البصل يبنى بيحرق أوى  ::cry::

- فجعتينى ... ده أنا إفتكرت فى حد مات وهنورث :good: ،أنزل أجيب لحضرتك عيش عشان الغدا .

- انا صحيتك الصبح , سيبتنى ونمت وخليت أختك تنزل تجيب .

- مممم...طيب أنزلّك الزبالة؟.

- اختك خدتها معاها وهية نازلة تجيب العيش,إنت مش لاقى حاجة تعملها ولا إيه ؟.

- لا ده أنا حتى مش فاضى خالص بس قلت أشوف أمى حبيبتى عايزة حاجة ولا ....

- آه . عايزاك تغسلى السجادة بتاعة الصالة .

-بس كده :emoti_291:..ده حضرتك تشاورى بس وتلاقينى بين إيديك.

[رحت جبت السجادة على كتفى  ورجعت لها تانى ..]

- ماما أنا عايز فلوس أشترى ورق.

- منين sad:( ؟؟؟ ماأنت شايف أبوك ,كل ما حد يقولو على فلوس يزعق ويتعصب ,دهى حتى الفلوس اللى كنت شايلاهم عشان التنجيد بتاع أختك إتصرفوا ع البيت الشهر ده..

..... تررررررا ا ا ا ا ا ا  ك [ ده صوت السجادة لما وقعت على الأرض ..أقصد لما انا رميتها على الأرض ]

- إيه ده إنت هتغسل السجادة هن :emoti_209:ا؟؟.

- لا هنا ولا هناك , إبقى خلّى بنتك تغسلها بعد ما تجيب العيش بكرة .



طيب هعمل إيه دلوقتى , الإمتحانات قربت وعايز أذاكر ومفيش ورق أذاكر من ::ooh::ه.

آآآآآآآآه مفيش غيرها أختى هو أنا على طول قرفها فى عيشيتها , بس هي طيّبة قلبها كبير


بت يا مزيكا إنت يا بت ...

[ كانت واقفة قدام المرآه بتسرح شعرها ..]

- الله إيه الحلاوة دى.. ما شاء الله اللهم,, صلى ع النبى,,لا قوة إلا بالله ...قمر...وإيه الشعر الناعم اللى بيلمع ده وإيه .....

- معيش فلوس يا بقلظ..

[ إيه البواخة دى ::what::.. الحوار ده شكله إتقفش ومش هعرف أبلفها تانى :emoti_64:..]

- فلوس إيه ؟..انا مش عايز فلوس ..أنا ا ا.. أ..أ.أنا كنت جاى آخد المشط عشان أسرّح عشان نازل.

- إنت مش شايفنى بسرّح بيه.

- بتسرّحى بيه إيه ؟؟..شوية الكونافة اللى فى راسك دول ..بقى هو ده شعر أصلاً عشان يتسرّح ::what::..




هى الناس دى بتعاملنى كده ليه sad:( ؟؟...طيب أعمل إيه دلوقتى ..أشحت ؟ لا  :emoti_209:الناس هتحس إنى كذاب وبعدين أنا بتكسف .....طيب اسرق ؟ برضه لأ...

الناس ما بتصدق تشوف حرامى عشان يعملو فيه اللى مش بيقدروا يعملوه فى الظباط.

وقعدت أفكر أفكر لغاية ما لقيت أخويا الصغير "حماصة" بيلعب وفى إيده عشرة جنيه, قمت بسرعة وناديت عليه


- حبت الفلوس دى منين يالا ,  سرقتهم ياد ولا كنت بتشحت ؟؟ :emoti_144:

- لا والله يا أبيه ده عمو " جلدة " عطاهانى وقالى روح إشترى حاجه حلوة  :emoti_64:.

- يا خبرك إسود وخدتهم من :emoti_336:ه ؟..هات الفلوس دى وحسّك عينك تاخد حاجة من حد بعد كده , لو عايز فلوس خد من بابا أو ماما او أبيه , هو إحنا حرمينك من حاجه.يا للا إتفضل إمشى من هنا .




الحمد لله ...عشرة جنيه أهيه ,أحمدك يارب ::happy: ..

ونزلت جبت ورق لإحدى المواد  لغاية ما تفرج...


تررررررررررن ترررررررررن ...تليفون البيت رن عارفين طلع مين ؟؟؟  مستحيل :emoti_209:... انا مش مصدق مناخيرى... ده برنامج المفتش كرومبو, وقالولى إنى حليت
الحلقة بتاعة مين اللى وقّع "فايزة" وهيه بتغسل الحلل فى الترعة صح وكسبت , ..خــ..خــ..خمس..خمستلاف جنييييييييييييييييييييييييييه emo (19):.
المهم رحت أخدت الخمس بواكى ورجعت البيت لقيت أبويا وأمى  وأخواتى مستنينى ، ما هو طبعا خبر زى ده ما يستخباش خالص ،ده أنا إسمى طلع فى التليفزيون.


عدّيت من جنب أبويا من غير حتى ما اقول السلامو عليكو :emoti_404: ,


فقالى وهو مبتسم :emoti_282:..

- إزيك يا بيبو يبنى عامل إيه فى مذاكرتك؟ يالا عايزك تتجدعن كده فى مذاكرتك وتتخرج عشان تشتغل فى شركة نضيفة. ::ok::

- قول يارب..

- يا رب ..بقولك يا بيبو  , ما تدينى خمسين جنيه لغاية ما أفك.

- تفك ؟ يعنى معاك فلوس اهو..

- لالا دى بتاعة عمك "بورى" حبيبى بتاع السردين كنت رايح أجيبلك منه عشان عارف إنك بتحب السردين.

- آ آ آ آه ..لا يا بابا ما تلقيش ..وبعدين سيبنى بقى أروح أذاكر..




شوية وأنا قاعد أذاكر لقيت أمى جاية ومعاها عصيرجوافة ..


- ربنا معاك يبنى خد إشرب ده عشان تعرف تركّز.

- شكراً يامّا .

-أنا النهارده جبتلك الفسيخ اللى إنت بتحبه .إيه رأيك ؟؟.

-  :emoti_17:لا أنا خلاص بقيت مش  بحب الفسيخ .

- خلاص يا حبيبى أرميه لو مش عاجبك..بقولك يبنى ما تدينى ميتين جنيه أنزل أشترى جزمة وشنطة  emo (30):

- ما أنت لسه جايبة واحدة ولا هية فشخرة وخلاص وبعدين ده بدل ما تحوشى عشان تنجيد بنتك  :emoti_351:

- لا يا أخويا فلوس التنجيد كاملة  زى ما هيه

- طيب يامّا بعدين نبقى نشوف الموضوع ده ...


شوية كمان وأختى جت


- بيبو... أنا روقتلك سريرك ورتبتلك كتبك وغسلتلك الشراب اللى كان مرمى ورا الدولاب ،،،انا نازلة رايحه للخياطة مش عايز حاجه؟.

- لا شكراً..

- طيب ممكن تدينى ميت جنيه عشان لو الفلوس اللى معايا ما كمّلت  emo (30):

- لا إن شاء الله الفلوس هتكمّل ولو ما كمّلت إبقى إديهم لها بعدين.


وطبعا لازم حماصة يجى برضه :emoti_64:


- أبيه أبيه ...أنا عايز فلوس .

- فلوس إيه ياد ...إخلع من هنا , :emoti_336:مفيش فلوس

- مش إنت قولتلى لما تعوز فلوس إبقى خد منى  وما تاخدش من أى حد sad:(

- لا يا فالح وقولتلك كمان خد من أبوك أو أمك

- ما انا قولتلهم وقالولى آخد منك .

- آه هيه بقت كده  :emoti_17:..روح لعمك "جلده" وقولو إن العشرة جنيه ضاعت ,وهو هيديلك واحدة تانية.



يا ســــاتر..إيه ده هيه الناس دى مش بتشبع فلوس ..
المهم بقى أنا عايز أنزل أشترى  تاب لوب و كميرا ديجيتال و ساعة فيها تليفزيون و....بس هى كده الفلوس هتكفّى؟؟
أنا بقول أعدّ الفلوس الأول , الفلوس... فين الفلوس ...الفلوس فين  الفلوس ضاعت. ::cry::.

إلــــــــــحـــــــقـــــــــــو و و و ::cry:: و و و نـــــــــــــــــــــا ا ا ا ا ا ا  ::cry::ا ا ا ا اى


*                  *                            *

العنوان: رد: معيش فلوس...
أرسل بواسطة: ريحان المسك في 2009-05-22, 18:16:38

ههههههههههههههههههههههههههههههههههههههههههههههههه

سيناريوجي مزبوووووووووووووووط ::ok::

حلقة اليوم يا استاذ علومجي احلى من اللي قبلها :good:

بس انا عندي سؤالين :emoti_17:

يعني ايه تنجيد  :emoti_282:؟؟؟؟

و لي حماصة بينادي بقلظ أبيه :emoti_17: ؟؟؟ هوا مش اخوه  :emoti_138:؟؟؟

العنوان: رد: معيش فلوس...
أرسل بواسطة: امينة في 2009-05-22, 21:21:48

رااااااااااااااااااااائع

اسلووووووووووووب  خفيف و جميل جدا يا اخ علومجي

ذكري بمواضيع الاخ  ناصح امين  في يوميات مواطن مطحون و زوج سعيد   :emoti_214:

في انتظار باقي الحلفات  ::ok:: ::ok:: ::ok::

مقتبس من: ريحان المسك في 2009-05-22, 18:16:38

:

بس انا عندي سؤالين :emoti_17:

يعني ايه تنجيد  :emoti_282:؟؟؟؟

و لي حماصة بينادي بقلظ أبيه :emoti_17: ؟؟؟ هوا مش اخوه  :emoti_138:؟؟؟

من الحوار فهمت انه

تنجيد يعني تجهيز  :emoti_282:

و ابيه اعتقد تنقال للاخ الكبير نظرا لفرق السن و الاحترام  ::ok::

مش كدا برده  :emoti_282:

العنوان: رد: معيش فلوس...
أرسل بواسطة: ازهرية صغيرة في 2009-05-22, 21:25:41

سيناريو رائع جدا  :good: ممكن تكمل كتا بة انا سمحالك  ::)smile:

العنوان: رد: معيش فلوس...
أرسل بواسطة: علومجى في 2009-05-23, 03:23:14

 جزاكم الله خيراً

مقتبس من: ريحان المسك في 2009-05-22, 18:16:38

يعني ايه تنجيد  :emoti_282:؟؟؟؟

و لي حماصة بينادي بقلظ أبيه :emoti_17: ؟؟؟ هوا مش اخوه  :emoti_138:؟؟؟

مقتبس من: أمينة في 2009-05-22, 21:21:48

من الحوار فهمت انه

تنجيد يعني تجهيز  :emoti_282:

و ابيه اعتقد تنقال للاخ الكبير نظرا لفرق السن و الاحترام  ::ok::

مش كدا برده  :emoti_282:

 ::ok::         ::ok::

مقتبس من: ازهرية صغيرة في 2009-05-22, 21:25:41

سيناريو رائع جدا  :good: ممكن تكمل كتا بة انا سمحالك  ::)smile:

 :emoti_282:         :emoti_282:

العنوان: رد: معيش فلوس...
أرسل بواسطة: حازرلي أسماء في 2009-05-23, 06:39:37

ممتاز يا علومجي ما كل هذا ؟؟ :emoti_209:

أنت موهوب يا علومجي  ::ok:: ::ok::


سبحان الله حتى الحوار الأسري أصبح مفتاحه المادة....نعم ظاهرة خطيرة حقا....رزقنا الله معرفة الأولويات وعدم خلطها

العنوان: رد: معيش فلوس...
أرسل بواسطة: nader في 2009-05-23, 09:55:55

محمد !!

إنت اللى كاتب ده ؟؟

لو انت يبقى استنانى لما أشوفك بقى  :emoti_25:

كل ده من ورايا  :blush::

جميلة فعلا

جزاكم الله خيرا

معكش صحيح ميتين جنيه علشان الطقم الجديد علشان الامتحانات  :emoti_64:   ::)smile:

العنوان: رد: معيش فلوس...
أرسل بواسطة: ريحان المسك في 2009-05-23, 12:10:00

تمام .. فهمت  ::ok::

بإنتظار الحلقة التالتة ::happy:

اما نشوف هيكون البطل فقير و للا غني :emoti_282:

العنوان: رد: معيش فلوس...
أرسل بواسطة: أبو بكر في 2009-05-23, 12:43:53

                                                                   :emoti_133:

عندما قرأت (أوعى تقعد جنب ستك...) أعجبتني جداً و لم أعلق بل اكتفيت بتعليقات الإخوة الكرام
و لكن عندما قرأت هذه لم أستطع إلا أن أعلق رغم عجز اللسان و القلم (أقصد الكيبورد :emoti_282:) عن إبداء إعجابهما

أخي بارك الله فيك و استعملك بما لديك من مواهب في سبيله و جعل كل أعمالك خالصة لوجهه الكريم

                                                                       emo (30):

العنوان: رد: معيش فلوس...
أرسل بواسطة: ازهرية صغيرة في 2009-05-23, 12:59:09

تنجيد يعني تنجيد  لفظ منتشر

هو عبارة عن كلاتي  القطن الذي يوضع داخل المراتب ( الشئ الذي يوضع علي السرير وننام علية ) تسمي عملية شراءة ووضعة تنجيد  ينجد منجد   

العنوان: رد: معيش فلوس...
أرسل بواسطة: ماما فرح في 2009-05-23, 13:13:21

مقتبس من: ازهرية صغيرة في 2009-05-23, 12:59:09

تنجيد يعني تنجيد  لفظ منتشر

هو عبارة عن كلاتي  القطن الذي يوضع داخل المراتب ( الشئ الذي يوضع علي السرير وننام علية ) تسمي عملية شراءة ووضعة تنجيد  ينجد منجد   

معلش يا أزهرية .. أصل ريحان المسك سورية ولهذا لا تعرف هذا المصطلح المصري  emo (30):

لكن ما معنى " كلاتي" ؟

العنوان: رد: معيش فلوس...
أرسل بواسطة: ♥ أرزة لبنان ♥ في 2009-05-23, 13:40:09

laugh::::-0 laugh::::-0 laugh::::-0 laugh::::-0 laugh::::-0

جمييييييل جدا جدا

حبيت القصة .. :emoti_282: :emoti_282:

في انتظار الباقي  ::ok::...

العنوان: رد: معيش فلوس...
أرسل بواسطة: ماما فرح في 2009-05-23, 14:04:50

 ::nooh: ::nooh:

دخلت الموضوع ونسيت أقول لعلومجي :

هنيئاً لنا وللمنتدى هذه الموهبة  ::ok::

وأظنها ستتطور أكثر مع الوقت والممارسة وسيأتي يوم تسخر فيه بالكامل لله والدعوة إن شاء الله ::ok::

العنوان: رد: معيش فلوس...
أرسل بواسطة: أحمد في 2009-05-23, 15:02:50

:emoti_209:

محمد ده اللي كاتب الكلام ده

أنا فعلا مش مصدق

ماشاء الله ماشاء الله

خيال واسع

وقلم سيال

وأفكار مجنونة (فنتازيا)

حلو قوي قوي


بس عايزين حاجة متفائلة شوية

العنوان: رد: معيش فلوس...
أرسل بواسطة: ريحان المسك في 2009-05-23, 15:59:34

يمكن قصدها يا ماما فرح (كالآتي)

بركة اني بفهم فصحة كمان :emoti_282:

و شكرا يا ازهرية عالتنبيه , نجد ينجد نجدا , تمام ::ok::

و بالنسبة لأبيه :emoti_17: , يعني كما المفروض الأخ الصغير اللي عندي يقول حاجة  :emoti_144:, مش ابيه يعني :emoti_282: , بس اي حاجة  ::hit::

العنوان: رد: معيش فلوس...
أرسل بواسطة: ماما هادية في 2009-05-23, 22:25:56

هي فصحى أو فصيحة، لا فصحة يا سارة
والتنجيد معروف حتى في اللهجة السورية، ماذا تسمون في مدينتكم إذن تغيير أوجه الكنب والمقاعد، أو إعادة حشوها بقطن أو إسفنج جديد؟ ألا تسمونه تنجيدا؟ وعائلة المنجد معروفة في سورية، وهي من أسماء العوائل التي على أسماء المهن

وبالنسبة لأبيه، فهي ليست مشتقة من الأبوة، وليست اسما من الأسماء الخمسة مجرور

أهلنا في مصر يقول الأخ الصغير لأخيه الكبير (أبــِـيْه) ولأخته الكبيرة (أبله) كما نفعل في سورية إذ لا نناديهم بالاسم، بل نقول: أخي فلان وأختي فلانة، من باب الاحترام..



موهوب فعلا يا علومجي، ما شاء الله تبارك الله
لكن

ما هدف القصة؟  :emoti_138:





أعني في أي الكفتين تتوقع ان توضع، ولماذا؟  emo (14):

العنوان: رد: معيش فلوس...
أرسل بواسطة: ريحان المسك في 2009-05-24, 10:12:30

بالنسبة للتنجيد خطرت في بالي يا ماما هادية , بس قلت اسأل عنها لأنو اول ما قرأت ما لقيت العلاقة بين تنجيد الفرش و  البنت

و بالنسبة لأبيه , صح منقول اختي و اخي بس مو ابيه , مشان هيك استغربت

مو اكتر :emoti_64:

العنوان: رد: معيش فلوس...
أرسل بواسطة: علومجى في 2009-05-25, 15:26:33

مقتبس من: حازرلي أسماء في 2009-05-23, 06:39:37

ممتاز يا علومجي ما كل هذا ؟؟ :emoti_209:

أنت موهوب يا علومجي  ::ok:: ::ok::


سبحان الله حتى الحوار الأسري أصبح مفتاحه المادة....نعم ظاهرة خطيرة حقا....رزقنا الله معرفة الأولويات وعدم خلطها

جزاك الله خيراً

وتقريباً كده حضرتك الوحيدة اللى فهمت ما أقصده من القصة.

مقتبس من: nader في 2009-05-23, 09:55:55

محمد !!


معكش صحيح ميتين جنيه علشان الطقم الجديد علشان الامتحانات   :emoti_64: ::)smile:

يبنى مش أنا اللى كسبت ، ده بقلظ وكمان ضاعت :emoti_282:

مقتبس من: أبو بكر في 2009-05-23, 12:43:53

                                                                   :emoti_133:



أخي بارك الله فيك و استعملك بما لديك من مواهب في سبيله و جعل كل أعمالك خالصة لوجهه الكريم

                                                                       emo (30):

آمين ..أسعدنى ردّك يا أخى.

دى تانى مرة توجه لى رد من ساعة ما أنا سجلت فى المنتدى ..أول مرة كانت فى موضوع "هم والقرآن" لماما فرح.

مقتبس من: ♥ أرزة لبنان ♥ في 2009-05-23, 13:40:09

laugh::::-0 laugh::::-0 laugh::::-0 laugh::::-0 laugh::::-0

جمييييييل جدا جدا

حبيت القصة .. :emoti_282: :emoti_282:

في انتظار الباقي  ::ok::...

جزاك الله خيراً emo (30):

مقتبس من: ماما فرح في 2009-05-23, 14:04:50

 ::nooh: ::nooh:

دخلت الموضوع ونسيت أقول لعلومجي :

هنيئاً لنا وللمنتدى هذه الموهبة  ::ok::

وأظنها ستتطور أكثر مع الوقت والممارسة وسيأتي يوم تسخر فيه بالكامل لله والدعوة إن شاء الله ::ok::

جزاك الله خيراً ...تحمست بشدة عندما قرأت هذا الدعاء.

مقتبس من: أحمد في 2009-05-23, 15:02:50

بس عايزين حاجة متفائلة شوية

ياأخى وانت زعلان ليه , يعنى هو كان تعب فيهم :emoti_282:

مقتبس من: ماما هادية في 2009-05-23, 22:25:56

ما هدف القصة؟  :emoti_138:

سؤال جميل بس كان نفسى يكون أول رد emo (30):
فى الحقيقة القصة دى كانت مشروع حوار ونقاش لكنه فشل ..أقصد كنت عايز أجعلها مدخل للنقاش فى ظاهرة إجتماعية , ولكن لما لقيت الأعضاء انبسطوا من القصة ومفيش حد أخد باله من حاجه , قلت كده حلو أوى والموضوع يخلص على كده ويبقى تمام . ::)smile:

مقتبس من: ماما هادية في 2009-05-23, 22:25:56

أعني في أي الكفتين تتوقع ان توضع، ولماذا؟  emo (14):

فزعت من هذه الجملة ...

أسأل الله الإخلاص ...فرب عمل صغير عظمته نية صادقة.

العنوان: رد: معيش فلوس...
أرسل بواسطة: ريحان المسك في 2009-05-25, 16:50:11

مبين من الموضوع انه يتكلم عن ظاهرة و هي ان طالب الجامعة يتطلع عيونو لحتى يشتري الكتب علشان يدرس و ما بالكم من الدارسة نفسها

و من الجهة الأخرى في ناس كتييييييييير كل حاجة بتكون قدامهم و لا يحالون حتى ان يغتنموها و يحسنوا مستواهم

الفرق بين الفرقة الأولى و الثانية كبير

مش كده يا استاذ علموجي ؟؟؟ ده القصد من الحدوتة ؟؟؟