كيف نجعل منتدى أيامنا الحلوة مسليًا ؟؟؟

[عمر (محب الطبيعة)]

لاحظت في الفترة الأخيرة إنه المنتدى خاااااااااااااااامل بطريقة عجيبة
ومعلش يعني أنا لا ألوم الناس اللي طفشو من المنتدى
لازم نلاقي طريقة نخلي المنتدى مسلي من جد يعني الواحد لما يقعد عالنت طفشان يفتكر المنتدى ويخش عليه
الموضوع مهم
لازم نلاقي طريقة نخلي المنتدى مسلي وممتع

الفكرة الأساسية من الموضوع (عشان لا أكثر)
إيجاد طريقة نجعل بها المنتدى نشيطًا وممتعًأ

يالله أنا حأطرح السؤال ومستني الإجابة

كيف نجعل منتدى أيامنا الحلوة مسليًا ؟؟؟
 

[إيمان يحيى]

 

[elnawawi]

نعمل ساحة فنية ..

[زينب الباحثة]

يمكن لأنه معظم مواضيع المنتدى جادة وثقيلة ..

[جواد]

جزاكم الله خيرا يا محب الطبيعة،

أعتقد أن أهم شيئ أن يكون لدينا أعضاء شباب كثر،

يعني محتاجين فعلا ندعوا اصحابنا وعائلاتنا وأقربائنا للإنضمام للمنتدى،

لأنه كما ترى الكثير من الأعضاء الحاليين أعمدة نكد كبيرة أو تجاوزوا سن الشباب  

[عمر (محب الطبيعة)]

أنا أوافق زينب وجواد  في قولهم

[ماما هادية]

أنا أوافق زينب وجواد  في قولهم

 

طيب ما الحل؟

[إيمان يحيى]

لأنه كما ترى الكثير من الأعضاء الحاليين أعمدة نكد كبيرة أو تجاوزوا سن الشباب  

 




 




 

هتعدمونا يعني زي خيل الحكومة ولا إيه؟


 

[ازهرية صغيرة]

السلام عليكم

موافقة معاكم فى تجديد  نمط

مواضيع المنتدى

سؤال اولا كيف لا يطفش الزوار والاعضاء الجدد من منتدى به مواضيع (دموع فى عينيها _سؤال محير بالى _.....ألخ)

انا نفسى زهقت

الحق اتكلم برحتى فى غياب احمد وهيما عن المنتدى هذة الايام

ادعولى كتير جدول امتحناتى نزل وهمتحن يوم 5/6

وانتهى يوم 19/6
والله الموفق

[أحمد]

أول حاجة عشان تطوروا المنتدى وتنشطوه ... تعملوا حفل تكريم كبييييييييييييير

تدوني فيه هدية كبييييييييييييييييرة

وتشيدوا بجهودي العظيمة في خدمة المنتدى وتنشيطه

وتطبعوا بوسترات بقى وكروت توعية وتنزلوا تيشيرتات عليها صورتي وميداليات باسمي وتعملوا عام 1431 عام أحمد.. كده حملة جامدة يعني توفي شوية من جهودي للمنتدى


تقوم الناس تتشجع وتعمل زيي

المنتدى يبقى تمام

[علومجى]

 



طيب مش عايز تذكرتين لحضور مباريات كاس العالم

بالمرة يعنى

[إيمان يحيى]

 

[جواد]

يا جماعة عايزين سكان جدد،

حد عنده أي اقتراحات ؟

طيب نفرض جباية على الإدارة مثلا لجذب السكان ؟ 

[ماما هادية]

أول حاجة عشان تطوروا المنتدى وتنشطوه ... تعملوا حفل تكريم كبييييييييييييير

تدوني فيه هدية كبييييييييييييييييرة

وتشيدوا بجهودي العظيمة في خدمة المنتدى وتنشيطه

وتطبعوا بوسترات بقى وكروت توعية وتنزلوا تيشيرتات عليها صورتي وميداليات باسمي وتعملوا عام 1431 عام أحمد.. كده حملة جامدة يعني توفي شوية من جهودي للمنتدى


تقوم الناس تتشجع وتعمل زيي

المنتدى يبقى تمام

والله فكرة جامدة جدا

 


ما رأيكم يا جماعة الخير نعمل تصويت


من يحب ان نعمل حفلة تكريم لأحمد يرفع ايده

ومن يحب أن نحدفه من البلكونة يرفع ايده برضه

وانا سأعد الاصوات

[أحمد]

سبحان الله.. هل جزاء الإحسان إلا الإحسان

رحم الله زمانا!!


فينك يا ماما فرح؟!!!!

 

[فتاة مسلمة]

ماااااااااااااما هادية عايزة حقي

 

آدي أخرة التفكير في الإجابة عن السؤال ( كيف نجعل منتدى أيامنا الحلوة مسليا ؟ )  اتحرقت من الحلة 

المنتدى مش هيجيبها معايا لبر

شكله مش هيستريح غير لما يعلم عليا ويعملي عاهة مستديمة 

[ماما هادية]

حقك في ايه يا فتاة ؟ 


وحلة ايه؟

الله!!!


انتوا مالكو كلكم على المنتدى بالشكل ده 

حرام عليكم والله

ده منتدى حلو وابن ناس حتى 

[elnawawi]

هو المحكمة مش فاتحة فرع هنا ليه في المنتدى ؟
لو كان فيه قضاء كان كل واحد يجيب العضو اللي متضايق منه ويرفع عليه دعوة معتبرة تجيبه الأرض .. حتى نساعد على حل مشكلة البطالة ونشغل قضاة ومحاميين وهيئات إدارية 
وكمان اللي مش لاقي شغلة يشتغل شاهد .. 

[سيفتاب]

يا أحمد  ما يليقش عليك شاهد

انت مشاغب بالدرجة الأولى  

[elnawawi]

يعني هاشتغل متهم ؟! 

أكيد .. ما هو كل الأعضاء هيطلعوا عليا المواضيع النكدية اللي كتبتها ..