رباعيات عامية. (على الرف)

[أحمد سامي]

على  الرف راكن هدومي  راكنها و مبلبسهاش

بكرر لبسي كل يوم و بقول وقت الجديد لسة مجاش

اه يا هدومي الجديدة أه لو رجع بيا الوقت و  الزمن.

برضه على الرف هشيلك اصل في حاجات ملهاش ثمن.

......................................

أه يا دراكولا لو كنت شفت اللي كان

كنت لطمت على خدودك و تقول انا طفل في الطغيان.

مبارك و هتلر و لينين و ستالين   و كذا واحد منيلين.

اياك تمص دم حد دلوقتي لا يكون عنده حاجة و تلاقي نفسك راقد عيان.

......................................................

الأولة أه  أه على اللي راح من سنيني

و الثانية أه  شكل اللي راح ممكن يرجع بس مستنيه يناديني

و الثالثة أه نفسي مستناش كتير أصل التفكير بيخلي عقلي يطير

و الرابعة دي زيادة من عندي ده شيطاني نفسه يتوب و بيقولي على الطريق وديني.

....................

نفسي في ليلة واحدة احقق كل رغباتي.

احس اني انسان طبيعي و ليا كياني و حياتي طموحاتي و شهواتي.

بس متستغربيش يا دنيا لم تقوليلي امرك مطاع.

هقولك عايز ليلة تانية اصل الإنسان طماع.

..............................

 

اي فون و لاب توب و بلاي ستيشن و شات و مالتيميديا.

حياتي حلوة و لذيذة و اللي بحبها اسمها ليديا.

لكن عيشتي سودة لأني مخطوف و بلدي مش هتدفع فدية.

بس انا فصلت حياتي عن عيشتي  واحدة ديجيتال و التانية تراجيديا.

.....................

قالولنا الغنى حرام ماعدا حليم و الأطرش و فيروز

قالولنا الغنى حرام بس اع ام كلثوم يجوز

قالولنا الغنى حرام اصل الشعبي سفيه و دمه تقيل

قالولنا الغنى حرام بس ارتحمموا على ايام الفن الجميل

..............................

قالي يا صاحب مبكيتش عليا و انا في عز احزاني

قالي يا صاحبي انا كنت محتاجك و انت نسيت حتى شكل وداني

ضحكت و قلتله مش محتاج اسئل عليك اصلك دايما جوة عيني و بين ضلوعي.

ضحكت عليه و قلتله انا خايف اعيط الاقيك نزلت مع دموعي.

..........................

الشعب عايز يفرمت الهارد

الشعب يريد ويندوز جديد

قالولنا الويندوز تجريبي و الباتش جاي بكرة يا حبيبي

و الهارد طلع حتة حديد.

................

[ماما هادية]

 

فهمت طراطيش كده

[فتاة مسلمة]

فهمت طراطيش كده

 

[أحمد سامي]

الفكرة في الرباعيات هي انها تعبر عن حالة معينة في كل رباعية و تعبر في مجملها عن حالة اكبر

و لهذا لا يمكن لأي كاتب رباعية ان يفسر ما يكتبه و إلا فقدت معناها.

المعضلة في اللغة و المضمون.  فمثلا نجد ان صلاح جاهين كان المضمون جيد مع لغة عامية اخذ نقدا كثيرا بسببها لأنه من المفترض ان يحافظ اي كاتب على لغة بلده فما بالكم بأعظم لغة و هذا هو الخطأ الذي اقع فيه كلما كتب رباعيات (هناك الكثير منها و لكن او مرة انشر لأني اخجل من ادخال اللغة العامية في عمل أدبي و لو كان على النت هذا بإعتبار نفسي اديبا على مستوى هذا المنتدى لو صح التعبير )  و هناك عمر الخيام كانت لغته ممتازة لكن مضمون رباعياته كان سئ و غامض و ملتبس

[فارس الشرق]

رائع جدا يا أحمد
فكرة ومضمون جيدان، إلا أن اللغة موغلة في العامية جدا فيمكن أن تعبر بالعامية ولكن بدرجة أعلى، وهذا ما كان يفعله صلاح جاهين، فرباعياته من عامية المثقفين..

يقول:

يا باب يا مقفول ... إمتى الدخول
 
صبرت ياما و اللي يصبر ينول
 
دقيت سنين ... و الرد يرجع لي : مين ؟
 
لو كنت عارف مين أنا كنت أقول
 
عجبي !!!
 

[فارس الشرق]

أنا شاب لكن عمري ألف عام
 
وحيد لكن بين ضلوعي زحام
 
خايف و لكن خوفي مني أنا
 
أخرس و لكن قلبي مليان كلام
 
عجبي !!!!
 

[فتاة مسلمة]

رائع جدا يا أحمد
فكرة ومضمون جيدان، إلا أن اللغة موغلة في العامية جدا فيمكن أن تعبر بالعامية ولكن بدرجة أعلى، وهذا ما كان يفعله صلاح جاهين، فرباعياته من عامية المثقفين..

يقول:

يا باب يا مقفول ... إمتى الدخول
 
صبرت ياما و اللي يصبر ينول
 
دقيت سنين ... و الرد يرجع لي : مين ؟
 
لو كنت عارف مين أنا كنت أقول
 
عجبي !!!
 

واستخدام الإنجليزية المكتوبة بحروف عربية

ولعل هذه الرباعيات تعبر عما كان موجودا من متطلبات في كل عصر

-------------------------------------------------------------------------
وعلى ذكر رباعيات صلاح جاهين

سهير ليالي وياما لفيت وطفت
 
وفي ليلة راجع في الظلام قمت شفت

الخوف كأنه كلب سد الطريق

وكنت عاوز أقتله ولكني خفت

وعجبي !!!
 

[أحمد سامي]

ما استخدمته من الإنجليزية معظمه اسامي علم لأشياء و اسامي العلم لا تترجم فالبلاي ستيشن لا يمكن ان يكون محطة الألعاب مثلا.

و صلاح جاهين كان له حرفة في مدرسة الجمع..... الجمع بين العامية و الفصحى البسيطة.

و في البحث في الرباعيات يكون الحديث دائما عن جاهين لأنه ليس امامنا غيره فهو الرائد ..... بجوار الخيام و احمد فؤاد نجم.

[أحمد سامي]

سلام عليكم جيل الكبار جيل الأفلام الرومانسية

يا من انشأتم فن الحب و أنشأتم مستشفى العباسية

قلتم ان فنكم قيمة جارفة فلا مانع من تعرية هادفة

و بعد هذا تتهموني بقتل الأخلاق و اللغة العربية

......................... و بالنسبة لصلاح جاهين فسنجد ان كل من يحب شئ مختلف فهو كان عبقري كلامه يمس كل الناس بمختلف اتجهاتهم  فأكثر اثنين تعبيرا بالنسبة لي.


بلياتشو قال إيه بس فايدة فنونــــي ؟
 
و تلات وقق مساحيق بيلونونـــــــي
 
و الطبل و المزامير و كتر الجعـــــــير
 
إذا كان جنون زبوني زاد عن جنوني
 
عجبي !!!
 
أحب أعيش ولو في الغابات
 
أصحي كما ولدتني أمي و ابات
 
طائر .. حيوان.. حشرة .. بشر ..بس أعيش
 
محلا الحياة.. حتي في هيئة نبات
 
عجبي !!
 
بس اعيش

[ماما هادية]

لكنه فن محلي شديد المحلية
لا يمكن ان يتجاوز اسوار منطقته بأي حال

[أحمد سامي]

واحد كلف نفسه و بعت جواب فيه كلمتين

سألني سؤال واحد البلد دي رايحة على فين

كان الرد مش مهم يبقى ليك قيمة طالما صحة الوطن بقيت زين الزين

كلف نفسه تاني و بعت شتيمة مش هقولها بس هكتبها نقط بين قوسين (.....)